ஆட்டுக்கறி குழம்பிற்காக கொலை குற்றவாளிக்கு 6 ஆண்டு சிறை

தாவணகெரே, பிப். 16: 2022 ஆம் ஆண்டு பிப்ரவரி 4 ஆம் தேதி, தாவணகெரே நகரில் உள்ள டாங்கே பூங்காவிற்கு அருகில் ஒரு கொடூரமான கொலை நடந்தது. அற்ப காரணத்துக்காக இந்த கொலை நடந்துள்ளது. கொலை வழக்குப் பதிவு செய்த கேடிஜே நகர் காவல் நிலைய போலீஸார் விசாரணை நடத்தி குற்றவாளிகளைக் கைது செய்தனர். இது தொடர்பான வழக்கு விசாரணைக்கு பிறகு தாவணகெரே இரண்டாவது கூடுதல் மாவட்ட மற்றும் அமர்வு நீதிமன்றம் கொலைக் குற்றவாளிக்கு 6 ஆண்டுகள் சிறைத்தண்டனை விதித்த‌து.தாவணகெரே கேடிஜே நகரில் வசிக்கும் ஜமீரா பாஷா கொலை வழக்கில் தண்டனை பெற்றவர். சவுக்கத் அலி (38) என்பவர் கொலை செய்யப்பட்டவர். ஜூலை 24, 2022 அன்று, தாவங்கரே நகரில் உள்ள டாங்கே பார்க் அருகே ஆட்டிறைச்சி சாப்பிட வந்த ஜமீர் பாஷாவுக்கும் கொலை செய்யப்பட்ட சவுகத் அலிக்கும் இடையே ஆட்டிறைச்சி சாம்பர் தொடர்பாக வாக்குவாதம் ஏற்பட்டது. வார்த்தைக்கு வார்த்தை வளர்ந்து இருவருக்கு தகராறு முற்றியுள்ளது. இறுதியில் ஜமீர் தன்னிடமிருந்த‌ கத்தியால் சவுக்கத் அலியை குத்தியுள்ளார். இதில் பலத்த காயம் அடைந்த சவுக்கத் அலி, மாவட்ட மருத்துவமனையில் சிகிச்சை பலனின்றி இறந்தார். கேடிஜே நகர் காவல் நிலைய போலீசார் வழக்குப்பதிவு செய்து ஜாமீர் பாஷாவைக் கைது செய்து நீதிமன்றத்தில் ஆஜர்படுத்தினர்.  இருதரப்பு வாதங்களை கேட்ட நீதிபதி பிரவீன்குமார், குற்றவாளிக்கு 6 ஆண்டுகள் சிறை தண்டனையும், ரூ. 25 ஆயிரம் அபராதமும் விதித்து தீர்ப்பளித்தார்.