பெங்களூர், செப்.27- தமிழகத்துக்கு 18 நாட்களுக்கு 3 ஆயிரம் கனஅடி தண்ணீர் திறந்துவிட வேண்டும் என்ற காவிரி நீர் ஒழுங்காற்று குழு உத்தரவை எதிர்த்து உச்ச நீதிமன்றத்தில் மேல்முறையீடு செய்யப்படும் என்று முதல்வர் சித்தராமையா தெரிவித்தார்.
வரலாற்று சிறப்பு மிக்க புண்ணிய ஸ்தலமான சாமராஜநகரில் உள்ள மலைமகாதேஷ்வர் கோவிலுக்கு சென்று சிறப்பு பூஜை செய்து மாதேஸ்வரரின் வெள்ளி தேர் திருவிழாவில் பங்கேற்ற பின் இன்று காலை செய்தியாளர்களிடம் பேசிய முதல்வர்,காவிரி ஆற்றில் இருந்து தமிழகத்திற்கு 3 ஆயிரம் கனஅடி தண்ணீர் 18 நாட்களுக்கு திறக்க காவிரி ஒழுங்காற்று குழு நேற்று உத்தரவிட்டது. இந்த உத்தரவு தொடர்பாக மாநில சட்டக்குழுவுடன் விவாதித்தேன். சுப்ரீம் கோர்ட்டில் மேல்முறையீடு செய்வதுதான் சரியானது என சட்ட நிபுணர்கள் தெரிவித்துள்ளனர்.
காவிரி நதிநீர் ஒழுங்காற்று குழுவின் உத்தரவை எதிர்த்து உச்சநீதிமன்றத்தில் மேல்முறையீடு செய்யலாம் என்று சட்ட வல்லுநர்கள் ஆலோசனை கூறியுள்ளனர். காவிரிப் படுகையில் மழை இல்லாததால் நீர்த்தேக்கங்கள் நிரம்பவில்லை. எங்களிடம் தண்ணீர் இல்லை. இன்னும் தமிழகத்துக்கு தண்ணீர் திறக்க தண்ணீர் இல்லை. எனவே, 18 நாட்களுக்கு 3,000 கனஅடி நீர் திறக்கும் காவிரி நதி நீர் கட்டுப்பாட்டு உத்தரவை எதிர்த்து உச்ச நீதிமன்றத்தில் மேல்முறையீடு செய்து சட்டப் போராட்டம் தொடரும் என்று முதல்வர் சித்தராமையா தெரிவித்தார்.
காவிரி விவகாரத்தில் மாநில அரசின் தோல்வியைக் கண்டித்து இன்று விதான்சவுடா அருகே பாஜக சார்பில் முற்றுகைப் போராட்டம் நடத்துவது குறித்து கருத்து தெரிவித்த அவர், காவிரி விவகாரத்தில் ஜனதா தளம் மற்றும் பிஜேபி அரசியல் செய்கின்றன. அரசியலை தவிர வேறு எதுவும் செய்வதில்லை என குறிப்பிட்டார்.
மலைமகாதேஷ்வர் சுவாமியிடம் மழை வேண்டி பிரார்த்தனை செய்தேன். மாநிலத்தில் நல்ல மழை பெய்ய வேண்டும் என்று பிரார்த்தனை செய்தேன் என்றார்.
2வது முறையாக முதல்வராக பதவியேற்ற பிறகு, முதல் முறையாக மாதேஸ்வரா மலைக்கு வந்துள்ளேன். முன்பு நான் முதல்வராக பதவியேற்றபோது மாதேஸ்வரர் மலைக்கு வந்தால் ஆட்சியை இழக்க நேரிடும் என்று கூறினார்கள். மாதேஷ்வர் மலைக்கு 12 முறை சென்றுள்ளேன். என் நாற்காலி பத்திரமாக உள்ளது. முட்டாள்தனம், வதந்தி, மூடநம்பிக்கை ஆகியவற்றில் எனக்கு நம்பிக்கை இல்லை என்று முதல்வர் சித்தராமையா தெளிவுபடுத்தினார்.
இதற்கு முன்னதாக, முதல்வர் சித்தராமையா, சச்சிரவாடி டாக்டர் எஸ்.சி. மகாதேவப்பா, கே. வெங்கடேசனும், அவருடன் காலை மாதேஸ்வர சுவாமிக்கு சிறப்பு பூஜை செய்து வெள்ளித் தேர் எடுத்து பூஜை செய்து சாமி கும்பிட்டார்.
