பெங்களூரு: செப் 6-
போக்குவரத்து விதிகளை மீறிய வாகன ஓட்டிகளுக்கு மாநில அரசு 50 சதவிகிதம் அபராதத் தள்ளுபடியை வழங்கிய பிறகு, வாகன ஓட்டிகள் அபராதம் செலுத்தி வருகின்றனர். இதுவரை, ரூ.40 கோடிக்கு மேல் அபராதம் செலுத்தப்பட்டுள்ளது.
முதல்வர் சித்தராமையாவின் கார் மீது 7 போக்குவரத்து மீறல் வழக்குகள் பதிவு செய்யப்பட்டுள்ளன, மேலும் தள்ளுபடியைப் பயன்படுத்திக் கொள்ள சமூக ஊடகங்களில் சூடான விவாதம் நடந்ததை அடுத்து அவரது காரின் அபராதம் செலுத்தப்பட்டது.
சித்தராமையா பயன்படுத்திய இன்னோவா கிரிஸ்டா கார் 2024 முதல் ஏழு முறை போக்குவரத்து விதிகளை மீறியுள்ளது. இவற்றில், முதல்வர் சீட் பெல்ட் அணியாமல் விதியை மீறியதாக ஆறு வழக்குகள் உள்ளன. 50 சதவிகிதம் தள்ளுபடியின்படி அவர் ரூ.2,500 அபராதம் செலுத்த வேண்டியிருந்தது. இது குறித்து சமூக ஊடகங்களில் பரவலான விவாதம் நடந்ததை அடுத்து வெள்ளிக்கிழமை அபராதம் செலுத்தப்பட்டதாக போக்குவரத்து அதிகாரி ஒருவர் தெரிவித்தார்.
