பெங்களூரு, ஆகஸ்ட் 18:
பாராளுமன்ற தேர்தலை சந்திக்க தயாராகி வரும் காங்கிரஸ் கட்சி மாற்றுக் கட்சியினரை தங்கள் கட்சிக்கு சேர்க்கும் தனது ஹஸ்திரா ஆபரேஷனை தீவிரப்படுத்தி உள்ளது. இதன்படி பிஜேபி மற்றும் ஜனாதளம் எஸ் கட்சிகளில் இருந்து காங்கிரஸ் கட்சிக்கு வந்து சேருபவர்களை உள்ளூர் காங்கிரஸ் தலைவர்கள் மற்றும் எம்எல்ஏக்கள் ஏற்க முடியாமல் அதிருப்தி தெரிவித்து வருவதும் அதிகரித்து வருகிறது. இந்த நிலையில் மற்ற கட்சிகளில் இருந்து காங்கிரஸில் சேரும் எம்எல்ஏக்கள் மற்றும் தலைவர்கள் குறித்து எந்த சந்தேகமும் எழுப்ப வேண்டாம் என்று காங்கிரஸ் தலைவர்களுக்கு கட்சியின் கர்நாடக மாநில தலைவரும், துணை முதலமைச்சருமான டி.கே.சிவக்குமார் கடுமையாக அறிவுறுத்தியுள்ளார்.
வரும் மக்களவைத் தேர்தலில் காங்கிரஸ் கட்சி அதிக இடங்களைப் பெற வேண்டும். இதன் அடிப்படையில் காங்கிரஸ் கட்சி சில வியூகம் வகுத்து அதன்படி செயல்படுத்தி வருகிறது இதனால் மற்ற கட்சிகளை சேர்ந்தவர்கள் காங்கிரஸ் கட்சியில் இணைந்து வருகின்றனர். எனவே புதிதாக வருபவர்கள் குறித்து காங்கிரஸ் கட்சியினர் அதிருப்தி தெரிவிப்பது மற்றும் அறிக்கைகள் வெளியிடுவது இனிமேல் கூடாது அனைவரும் அமைதி காக்க வேண்டும் அனைத்து நடவடிக்கையும் கட்சியின் வளர்ச்சிக்கு என்பதை புரிந்து கொள்ள வேண்டும். காங்கிரஸ் கட்சிக்கு புதிதாக வருபவர்களை புண்படுத்தும் வார்த்தைகளை பயன்படுத்த வேண்டாம் என்றும் காங்கிரஸ் தலைவர்கள் மற்றும் தொண்டர்களுக்கு டி.கே. சிவகுமார் உத்தரவு பிறப்பித்துள்ளார்.
அடுத்த லோக்சபா தேர்தலில் அதிக இடங்களில் வெற்றி பெற, அரசியல் ரீதியாக என்ன வேண்டுமானாலும் செய்யுங்கள் என, காங்கிரஸ் மேலிடம் அறிவுறுத்தி உள்ளது. மேலிடஅறிவுறுத்தலின் பேரில், அதிக இடங்களை கைப்பற்ற, ஆபரேஷன் ஹஸ்தா என, சொந்த அரசியல் வியூகங்களை வகுத்துள்ளோம். என்பதும் இந்த உத்தியின் ஒரு பகுதியாகும். அதன்படி பாஜக மற்றும் ஜேடிஎஸ் எம்எல்ஏக்கள் பலர் காங்கிரஸில் சேர முன்வந்துள்ளனர். இது தொடர்பாக விவாதங்கள் நடந்துள்ளன. லோக்சபா தேர்தல் வெற்றி கட்சிக்கு மிகவும் முக்கியம் என அனைத்து தலைவர்களிடமும் டி.கே.சிவகுமார் கூறியுள்ளார். டி.கே.சிவகுமாரின் இந்த அறிவுறுத்தலின்படி, ஆபரேஷன் ஹஸ்தாவின் கீழ் காங்கிரஸில் சேர விரும்புபவர்கள் அனைவரும் வரவேற்கப்படுகிறோம் என காங்கிரஸ் அமைச்சர்கள் மற்றும் தலைவர்கள் அறிக்கைகள் கொடுத்து வருகின்றனர்.
லோக்சபா தேர்தலில் வெற்றி பெற வேண்டும் என்ற கட்சியின் ஆர்வத்தை மனதில் கொண்டு, ஆபரேஷன் ஹஸ்தா குறித்து மவுனம் காக்கவும், அரசியல் ரீதியாக வெற்றி பெற தங்களால் முடிந்த அனைத்தையும் செய்ய அனைத்து தலைவர்களும் ஒப்புக்கொண்டுள்ளதாக காங்கிரஸ் வட்டாரங்கள் தெரிவிக்கின்றன.
