பெங்களூரு, மார்ச்.5-
சட்டவிரோத எரிவாயு நிரப்பும் போது சிலிண்டர் வெடித்து சிறுவன் உயிரிழந்த சம்பவம் ஹெப்பாலின் குட்டஹள்ளியில் நடந்துள்ளது.
சோழநாயக்கனஹள்ளியில் உள்ள அரசுப் பள்ளியில் 6ம் வகுப்பு படித்து வந்த யாத்கிரி மாவட்டம் ராம்சமுத்திரத்தைச் சேர்ந்த கூலித்தொழிலாளி மல்லப்பா, சரஸ்வதி தம்பதியின் 2வது மகன் மகேஷ் (13) உயிரிழந்தான்.
குட்டஹள்ளியில் எரிவாயு நிரப்பும் சாலை அருகே நின்று கொண்டிருந்த மகேஷ் சிலிண்டர் வெடித்து பலத்த காயமடைந்து பாப்டிஸ்ட் மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தார்.
மருத்துவமனை முன்பு மகேஷ் குடும்பத்தினரின் போராட்டம் நடத்தி வருகின்றனர். ஹெப்பாள் காவல் நிலையத்தில் வழக்குப் பதிவு செய்யப்பட்டுள்ளது.
இறந்தவரின் பெற்றோர் கடந்த 8 ஆண்டுகளாக கூலி வேலை செய்து வந்தனர். சிலிண்டர் ரீபில்லிங் குடோனில் லியாகத் என்பவர் காஸ் நிரப்பிக் கொண்டிருந்தார். அப்போது, வீட்டின் அருகே சிறுவன் விளையாடிக் கொண்டிருந்த போது சிலிண்டர் வெடித்தது. சிலிண்டர் வெடித்ததில் சிறுவனின் உடல் சிதறியது.இந்த சோகமான சம்பவம் நடந்தவுடன் லியாகத் உடனடியாக தப்பி ஓடிவிட்டார், மேலும் அவர் மீது ஹெப்பால் காவல் நிலையத்தில் வழக்கு பதிவு செய்யப்பட்டது.
