பெங்களூரு: நவ. 17-
மகள் மாடலிங் செய்ய வேண்டும் என்று விருப்பப்பட்டு முயற்சி செய்த தாய் சைபர் மோசடி கும்பலிடம் சிக்கி பணத்தை இழந்தார். இந்த சம்பவம் வித்யாரண்யபுராவில் நடந்துள்ளது.
சிறு வயது முதலே மகளுக்கு மாடலிங் செய்ய ஆசை இருந்தது இதை நிறைவேற்ற வேண்டும் என்று தாய் முயற்சி மேற்கொண்டு இருந்தார், இந்த முயற்சியின் போதுரூ.3.74 லட்சத்தை இழந்து போலீஸை அணுகினார்.
சமூக ஊடகங்களில் குழந்தைகள் மாடலிங் செய்ய வேண்டும் என்ற விளம்பரத்தை சுமா பார்த்திருந்தார். அவரது பேஸ்புக் பக்கத்தில் லிட்டில் நெஸ்ட் என்ற குழந்தை மாடலிங் இணைப்பு தோன்றியது. அவர் இணைப்பைக் கிளிக் செய்தபோது, மோசடி செய்பவர்கள் அந்த இணைப்பு மூலம் குழந்தையின் பதிவுகளைப் பெற்று, பின்னர் டெலிகிராம் குழுவில் சேர மற்றொரு இணைப்பை அனுப்பினர்.
சில பணிகளைக் கொடுத்து ரூ.11,000 அனுப்பச் சொன்ன நிர்வாகி, பின்னர் முதலீடு செய்த பிறகு ரூ.19,000-ஐ திருப்பி அனுப்பினார். பின்னர், சைபர் திருடர்கள் மூன்றே கால் லட்சத்தை படிப்படியாகத் திருடினர். தான் ஏமாற்றப்பட்டதை இப்போது உணர்ந்த அந்தப் பெண், வித்யாரண்யபுரா காவல் நிலையத்தில் புகார் அளித்துள்ளார். இது தொடர்பாக போலீசார் தீவிர விசாரணை நடத்தி வருகின்றனர்
