நடிகை அமுல்யாவின் மாமனார் வீட்டில் சோதனை: 31 லிட்டர் மது பறிமுதல்

பெங்களூரு, ஏப். 25: ராஜராஜேஸ்வரி நகர் முன்னாள் கார்ப்பரேட்டரும், நடிகையுமான அமுல்யாவின் மாமனார் ராமச்சந்திரப்பாவின் ஆர்.ஆர்.நகரில் உள்ள வீட்டில் தேர்தல் அதிகாரிகள் சோதனை நடத்தினர். அவரது வீட்டில் விலைமதிப்பற்ற பொருட்களோ, பணமோ சிக்கவில்லை. அவர் அருந்த வைத்திருந்த‌ 31 லிட்டர் மதுவை அதிகாரிகள் பறிமுதல் செய்தனர்.
இதற்கு எதிர்வினையாற்றிய பாஜக பிரமுகர் ராமச்சந்திரா, அதிகாரத்தை தவறாக பயன்படுத்தி எனது வீட்டின் மீது சோதனை நடத்தினார். இந்தப் பகுதியில் காங்கிரஸ் கட்சியினர் பணம் விநியோகம் செய்ததற்கு. இடையூறு செய்வோம் என்று கூறி எங்கள் வீட்டின் மீது சோதனை நடத்தினர். சோதனையின் போது, ​​அதிகாரிக்கு மீண்டும் மீண்டும் தொலைபேசி அழைப்புகள் வந்தன. அவர்கள் என்னை இரண்டு நாட்களாவது சிறையில் வைக்க வேண்டும் என்று சொன்னார்கள். ஏதோ பெரியதாக கிடைக்கும் என்று நினைத்துக்கொண்டு வந்தார்கள். ஆனால் அவர்கள் நினைத்தப்படி எதுவும் கிடைக்கவில்லை என்றார்.
என் பேரக்குழந்தைகளின் பிறந்தநாளின் விருந்திற்காக மது வாங்கி வைத்தேன். தேர்தலின் போது பிறந்தநாளை பெரிய அளவில் கொண்டாடக் கூடாது என்பது பொது விதி. எனவே நான் வைத்திருந்து மதுவை அதிகாரிகள் பறிமுதல் செய்துள்ளனர் என்று நடிகை அமுல்யாவின் மாமனார் தெரிவித்துள்ளார்.