போலி பாஸ்போர்ட்: நேபாள நபர் பெங்களூரில் கைது

பெங்களூர் : நவம்பர் 18 – பெயரை மாற்றிக்கொண்டு இந்தியாவில் ஆதார் அட்டை மற்றும் பாஸ்போர்ட் செய்து கொண்டு சட்டவிரோதமாக போலி பாஸ்போர்ட் செய்துகொண்டிருந்த நேபாள் பிரஜை ஒருவனை கெம்பேகௌடா சர்வ தேச விமான நிலையத்தில் கைது செய்துள்ளனர்.
நேபாள் நாட்டை சேர்ந்த நரேஷ் குமார் என்பவன் கைது செய்யப்பட்டுள்ள குற்றவாளி . இவன் தற்போது கூடுதல் விசாரணைக்கு உட்படுத்தப்பட்டுள்ளான். கடந்த நவம்பர் 12 அன்று சட்டவிரோதமாக பெற்ற பாஸ்போர்ட் பயன் படுத்தி பெங்களூர் விமான நிலையத்திலிருந்து காட்மண்டுவிற்கு பயணம் செய்ய முற்பட்டுள்ளான்.
அந்த வேளையில் டிபார்ச்சர் இமிகிரேஷன் ஏர் கவுண்டர் ஊழியர் இவனிடம் விசாரணை நடத்தியபோது இந்த அக்கிரமம் தெரிய வந்துள்ளது.
குற்றவாளியின் உண்மையான பெயர் அஸ்வின் தமை . 2008ல் இந்தியாவிற்கு வந்திருந்த அஸ்வின் தமிழ்நாட்டில் தங்கி இருந்துள்ளான். நரேஷ் குமார் என்ற பெயரில் ஆதார் கார்ட் மற்றும் பேன் கார்ட் ஆகியவற்றை செய்து கொண்டுள்ளன. பின்னர் இதே முறையில் பாஸ்போர்ட்டையும் செய்து கொண்டுள்ளான். இவனுக்கு எதிராக விமான நிலைய போலீஸ் நிலையத்தில் வெளிநாட்டவர் சட்டம் 1946, மற்றும் பாஸ்போர்ட் சட்டம் 1967 ஆகியவற்றின் கீழ் வழக்கு பதிவு செய்யப்பட்டு விசாரணை நடந்து வருகிறது.