போலீசாரிடம் வாய் திறக்காத தர்ஷன் – தொடரும் மவுனம்

பெங்களூரு,ஜூன் 14: ரேணுகாசாமி கொலை வழக்கில் நடிகர் தர்ஷன், பவித்ரா கவுடா உள்ளிட்ட 13 பேரிடம் காமாட்சிபாளைய போலீஸார் தொடர்ந்து விசாரணை நடத்தி வந்த நிலையில், விசாரணையில் தர்ஷன் மவுனம் காத்து வருகிறார்.
தர்ஷனின் நண்பர்கள் கொலை தொடர்பாக விசாரணைக்கு ஒத்துழைப்பு வழங்கி வருகின்றனர். அவர்களின் வாக்குமூலத்தை போலீசார் பதிவு செய்து வருகின்றனர்.
ஏற்கனவே குற்றம் நடந்த இடத்துக்கும், சடலம் வீசப்பட்ட இடத்துக்கும் அவர்களை அழைத்துச் சென்று குற்றவாளிகள் முன்னிலையில் புதன்கிழமை மகஜர் நடத்தினார். எனவே, ஒவ்வொருவரிடமும் தனித்தனியாக போலீசார் விசாரணை நடத்தி, அவர்களிடம் வாக்குமூலம் பெற்று வருகின்றனர்.
தர்ஷன் அமைதி:
தர்ஷன் தவிர‌ குற்றம் சாட்டப்பட்ட அனைவரும் விசாரணைக்கு பதிலளிக்கின்றனர். தர்ஷன் பெரும்பாலும் அமைதியாக உள்ளார். அவரது நெருங்கிய நண்பர்களான பட்டகெரே வினய், பிரதோஷ், நாகராஜா, பவன் மற்றும் ராகவேந்திரா மற்றும் பிற கூட்டாளிகள் இந்த செயல் குறித்த விவரங்களை வெளிப்படுத்தியதாக வட்டாரங்கள் தெரிவித்தன. ரேணுகாசாமி சதியால் படுகொலை செய்யப்படவில்லை. ஆபாசமான செய்திகளை அனுப்பியதற்காக அவரை மிரட்டுவதற்காக சித்ரதுர்காவில் இருந்து அவரை அழைத்து வந்துள்ளார். ஆனால் குற்றம் சாட்டப்பட்டவர்கள் தூண்டுதலின்றி அவரைத் தாக்கினர் என அதிகாரிகள் தெரிவித்தனர்.
போலீஸ் காவல் முடிந்து விட்டது. தர்ஷன் தனது செல்வாக்கை பயன்படுத்தி வெளியே வருவார் என அனைவரும் நினைத்தனர். ஆனால், அப்படியில்லாமல் போலீசார் இந்த வழக்கை தீவிரமாக எடுத்து தீவிர விசாரணை நடத்தி வருகின்றனர்.இந்த வழக்கின் விசாரணை தீவிரமடைந்த நிலையில், தர்ஷன் கைது செய்யப்பட்ட முதல் நாளில் இருந்ததைப் போல இப்போது அவர் இல்லை. தொடர்ந்து விசாரணை நடத்தியதால் மவுனம் சாதித்துள்ளனர். இந்த சம்பவம் குறித்து தனக்கு தெரியாது என்று தர்ஷன் திரும்ப திரும்ப கூறி வருகிறார். இதனால் மற்ற குற்றவாளிகளின் வாக்குமூலத்தின் அடிப்படையில் தர்ஷனிடம் விசாரணை நடத்தப்பட்டு வருகிறது.