மாணவர் தற்கொலை

பெங்களூர், டிச.2-இந்திய அறிவியல் கழக மாணவர் ஒருவர் ஆறாவது மாடியில் இருந்து குதித்து தற்கொலை செய்து கொண்டார் .டெல்லி டைமண்ட் குஷ்வந்த் (21). இவர் தற்கொலை செய்து கொண்ட மாணவர்.
குஷ்வந்த் வேதியியல் துறையில் இரண்டாம் ஆண்டு பிஎச்டி படித்துக் கொண்டிருந்தார் .
காலை 7 :10 மணிக்கு இந்திய அறிவியல் கழக வளாகத்தில் உள்ள கட்டிடத்தின் ஆறாவது மாடியில் இருந்து கீழே குதித்து தற்கொலை செய்து கொண்டார். இறப்பு குறிப்பு எதுவும் கிடைக்கவில்லை. பெற்றோருக்கு தகவல் தெரிவிக்கப்பட்டது. பெற்றோர் வந்த பின் பிரேத பரிசோதனை செய்து, அவர்களிடம் சடலம் ஒப்படைக்கப்படும் என போலீசார் தெரிவித்துள்ளனர்.
இந்திய அறிவியல் கழக வளாகம் அனைவருக்கும் பாதுகாப்பான இடம். ஆயினும் தற்கொலை சம்பவத்திற்கான காரணம் தெரியவில்லை என்று, அங்குள்ள ஊழியர்கள் தெரிவித்துள்ளனர்.