மான் கொம்புகளை விற்க முயன்ற இருவர் கைது

பெங்களூரு, பிப். 22: கிழக்கு பெங்களூரில் மான் கொம்புகளை விற்க முயன்ற ஆந்திராவைச் சேர்ந்த இருவர் செவ்வாய்க்கிழமை கைது செய்யப்பட்டனர்.
சந்தேக நபர்களை காடுகோடி போலீசார் அடையாளம் கண்டு, கைது செய்தனர். கைது செய்யப்பட்டவர்கள் பனிந்திரச்சாரி (44), ஷேக் ரெஹ்மதுலா (54), மண்டையோடுகளுடன் கூடிய ஆறு மான் கொம்புகளும், மண்டையோடு இல்லாத 39 கொம்புகளும் அவர்களிடம் இருந்து மீட்கப்பட்டன.
தகவல் கொடுப்பவர்களிடமிருந்து கிடைத்த நம்பகமான தகவலின் அடிப்படையில் இந்த நடவடிக்கை மேற்கொள்ளப்பட்டதாக போலீசார் தெரிவித்தனர். இது குறித்து காடுகோடி காவல் நிலையத்தில் வனவிலங்கு பாதுகாப்பு சட்டத்தின் கீழ் வழக்கு பதிவு செய்யப்பட்டுள்ளது. இரண்டு பேருக்கும் குறிப்பிட்ட வாடிக்கையாளர்கள் இருக்கிறார்களா,
அவர்களுக்கு எங்கிருந்து கொம்புகள் கிடைத்தன என்பதை கண்டறிய முயற்சிப்பதாக போலீசார் தெரிவித்தனர்.