பெங்களூரு, ஜன.2- புத்தாண்டு கொண்டாட்டத்தின் போது, பெங்களூரு மாநகர போக்குவரத்து கழகம் என்ற பிஎம்டிசி டிசம்பர் 1 அன்று ஒரே நாளில் ரூ. 5.48 கோடி வருவாய் ஈட்டியுள்ளது.
நம்ம மெட்ரோவுக்கு 2.17 கோடி. வருமானம் கிடைத்துள்ளது.
புத்தாண்டு கொண்டாட் டத்தையொட்டி, தேர்ந்தெடுக்கப்பட்ட வழித்தடங்களில் காலை முதல் இரவு வரை போக்குவரத்து வசதியைபிஎம்டிசி வழங்கியது.
காலை முதலே பஸ்களில் பயணிகள் கூட்டம் அதிகமாக இருந்தது. அனைத்து பிஎம்டிசி வழித்தடங்களிலும் ஒரே நாளில் 35.66 லட்சம் பயணிகள் பயணம் செய்து சாதனை படைத்துள்ளனர்.
இதிலிருந்து பிஎம்டிசிக்கு ரூ.5.48 கோடி. வருமானம் கிடைக்கும். இரவு 11 மணி முதல் அதிகாலை 2 மணி வரை எம்.ஜி. சாலையில் இருந்து பல்வேறு வழித்தடங்களில் 76 பஸ்களில் 4,840 பயணிகள் பயணம் செய்தனர். இந்த பஸ்கள் 2093 கிமீ ஓடி ரூ.89,254 வருவாய் ஈட்டியுள்ளதாக பிஎம்டிசி தெரிவித்துள்ளது.
புத்தாண்டு தினத்தன்று நம்ம மெட்ரோவுக்கு 2.17 கோடி ரூபாய் வருமானம் வந்துள்ளது . டிசம்பர் 31ம் தேதி காலை 5 மணி முதல் 2 மணி வரை மெட்ரோ ரயில்கள் இயக்கப்பட்டன. பச்சை மற்றும் ஊதா வழிகளில் 8,59,467 பேர் பயணம் செய்துள்ளனர்.
இதில் 2.80 லட்சம் பேர் ஸ்மார்ட் கார்டு, 914 பேர் ஒரு நாள் பாஸ், 96 பேர் மூன்று நாள் பாஸ், 132 பேர் ஐந்து நாள் பாஸ் பெற்றுள்ளனர்.
1.12 லட்சம் பேர் க்யூ ஆர் குறியீட்டையும், 39,627 பேர் க்யூ ஆர் வாட்ஸ் அப் ஐயும், 59,321 பேர் க்யூ ஆர் பே டிஎம் ஐயும் பயன்படுத்தியுள்ளனர்.
இதற்கிடையில், 3.49 லட்சம் டோக்கன்கள், 11,091 என்சிஎம்சி கார்டுகள் மற்றும் 1029 குழு டிக்கெட்டுகள் பெறப்பட்டுள்ளன. எம்.ஜி. சாலையில் கூட்டம் அதிகமாக இருந்ததால், எம்.ஜி. சாலை மெட்ரோ ரயில் நிலையத்தின் நுழைவு மற்றும் வெளியேறும் வாயில்கள் டிசம்பர் 31ம் தேதி இரவு 11 மணி முதல் மூடப்பட்டன.பயணிகளின் பயன்பாட்டிற்காக டிரினிட்டி மற்றும் கப்பன் பார்க் போன்ற அருகிலுள்ள ரயில் நிலையங்களில் ரயில்களை நிறுத்த ஏற்பாடு செய்யப்பட்டன.கூடுதல் சேவை மூலம் துறைக்கு நல்ல வருமானம் வந்துள்ளது.
