5ம் தேதி முதல்வராக மம்தா பதவியேற்பு


கொல்கத்தா,மே.3-
மேற்குவங்காளத்தில் மம்தா பானர்ஜி தலைமையிலான திரிணாமுல் காங்கிரஸ் ஆட்சியை தக்கவைத்துள்ளது. நடந்து முடிந்த மேற்குவங்காள தேர்தலில் திரிணாமுல் காங்கிரஸ் 213 தொகுதிகளை கைப்பற்றியது. பாஜக 77 தொகுதிகளை மட்டுமே கைப்பற்றி தோல்வியடைந்தது. சிபிம் கூட்டணி 1 தொகுதியையும், மற்றவை 1 தொகுதியையும் கைப்பற்றியுள்ளது.
ஆட்சியை தக்க வைத்துள்ள மம்தா பானர்ஜி 3-வது முறையாக மேற்குவங்காள முதல்மந்திரி பதவியேற்க உள்ளார். இந்நிலையில், மேற்குவங்காள முதல்மந்திரியாக மம்தா பானர்ஜி எப்போது பதவியேற்பார் என்ற தகவல் தற்போது வெளியாகியுள்ளது.
பதவியேற்பு தொடர்பாக திரிணாமுல் காங்கிரஸ் மூத்த தலைவர் பார்தா சாட்டர்ஜி கூறுகையில், மே 5-ம் தேதி (நாளை மறுநாள்) மம்தா பானர்ஜி மேற்குவங்காள முதல்மந்திரியாக பதவியேற்பார்’ என்றார்.
கொரோனா வைரஸ் அச்சுறுத்தல் காரணமாக பதவியேற்பு விழா மிகவும் எளிமையான முறையில் நடைபெறும் என திரிணாமுல் காங்கிரஸ் வட்டாரங்கள் தெரிவிக்கின்றன.