பெங்களூரு, மார்ச் 10-
கர்நாடக மாநிலத்தில் 5 மற்றும் 8 ஆம் வகுப்புகளுக்கான பொதுத் தேர்வை ரத்து செய்து உயர் நீதிமன்ற தனி நபர் பெஞ்ச் இன்று உத்தரவு பிறப்பித்துள்ளது. இதனால், பொதுக் கல்வித் துறை கடும் பின்னடைவைச் சந்தித்துள்ளது.
5 மற்றும் 8 ஆம் வகுப்பு தேர்வுகள் மார்ச் 13 ஆம் தேதி தொடங்குவதாக இருந்தது. இந்த நிலையில் பொதுத் தேர்வை நடத்தக் கூடாது என்று அரசுக்கு உயர்நீதிமன்றம் உத்தரவிட்டது. கர்நாடக மாநிலத்தில் 5 மற்றும் 8ம் வகுப்புகளுக்கு முன்னதாக பொதுத்தேர்வு நடத்த கடும் எதிர்ப்பு கிளம்பியது கர்நாடகா பதிவுசெய்யப்படாத தனியார் பள்ளிகள் சங்கத்தின் தலைவர் லோகேஷ் தாலிகட்டே உயர்நீதிமன்றத்தை அணுகினார்.
நடப்பு ஆண்டில் 5 முதல் 8ம் வகுப்புகளுக்கு பொதுத்தேர்வு நடத்தும் அரசின் முடிவை கேள்விக்குட்படுத்தி அவர் மனு தாக்கல் செய்தார்.
இந்த மனுவை விசாரித்த தனி நீதிபதி அமர்வு இடைக்காலத் தடை விதிக்க மறுத்துவிட்டது.
ஆனால், டிவிஷன் பெஞ்சில் தாக்கல் செய்யப்பட்ட மனுவை விசாரித்த உயர்நீதிமன்ற தலைமை நீதிபதி பிரசன்னா பாலச்சந்திர வரலே, அசோக் எஸ்.கினகி ஆகியோர் 5 மற்றும் 8ம் வகுப்புக்கு பொதுத் தேர்வு நடத்தக்கூடாது என உத்தரவிட்டனர்.
அதே நேரத்தில் 5 மற்றும் 8 ஆம் வகுப்பு ஆண்டுத் தேர்வுக்கு எதிராக பெற்றோர் அமைப்பினர் நீதிமன்றம் சென்ற நிலையில், வாரியத் தேர்வுக்கு தடை விதித்து உயர் நீதிமன்றம் கல்வித்துறையை அதிர்ச்சிக்குள்ளாக்கியது
