விசாகப்பட்டினம்: ஏப்ரல் 3-
இந்திய கடற்படையின் பலம் உலகம் வியக்கம் வகையில் அதிகரித்துள்ளது. உள்நாட்டிலேயே தயாரிக்கப்பட்ட அணு சக்தியால் இயங்கும் நீர்மூழ்கி கப்பல் இந்திய கடற்படையில் சேர்க்க தயார் நிலையில் உள்ளது.
பாலிஸ்டிக் ஏவுகணை நீர்மூழ்கிக் கப்பலான ‘ஐஎன்எஸ் அரிதமன்’ விரைவில் கடற்படையில் சேர்க்கப்பட உள்ளது.
மத்திய பாதுகாப்பு அமைச்சர் ராஜ்நாத் சிங் இன்று விசாகப்பட்டினம் சென்றுள்ளார். இந்த நிகழ்வில், கண்ணுக்குப் புலப்படாத சக்தியான ‘அரிதமன்’ நீர் மூழ்கி கப்பலை அவர் துவக்கி வைக்க உள்ளார். இதுகுறித்து அவர் தனது எக்ஸ் கணக்கில், “இது வெறும் வார்த்தை அல்ல, இது சக்தியின் சின்னம். ‘அரிதமன்’ என்று பதிவிட்டு ஆர்வத்தைத் தூண்டியுள்ளார்.
ஐஎன்எஸ் அரிதமன், இந்தியாவின் இரகசியத் திட்டத்தின் கீழ் கட்டப்பட்ட மூன்றாவது அணுசக்தி நீர்மூழ்கிக் கப்பலாகும். இது முந்தைய ஐஎன்எஸ் அரிஹந்த் (2016) மற்றும் ஐஎன்எஸ் அரிகாட் (2024) ஆகியவற்றை விட அதிக சக்தி வாய்ந்தது.
இதில் எட்டு செங்குத்து ஏவுகணைக் குழாய்கள் உள்ளன, இது அரிஹந்தின் கொள்ளளவை விட இருமடங்கு ஆகும். இது 3,500 கி.மீ. தூரம் செல்லக்கூடிய எட்டு ஏ-4 ஏவுகணைகளையோ அல்லது 750 கி.மீ. தூரம் செல்லக்கூடிய 24 ஏ-15 ஏவுகணைகளையோ ஏவக்கூடியது.
இது பாபா அணு ஆராய்ச்சி மையத்தால் உருவாக்கப்பட்ட மேம்பட்ட 83 மெகாவாட் ‘அழுத்தப்பட்ட நீர் உலை’ மூலம் இயக்கப்படும். மறைந்து செல்லும் திறன்: சுமார் 7,000 டன் எடை கொண்ட இந்தக் கப்பல், கடலுக்கு அடியில் மிகவும் அமைதியாகச் செல்லும் தொழில்நுட்பத்தைக் கொண்டுள்ளது, இதனால் எதிரி ரேடார்களால் கண்டறியப்படுவது கடினமாகிறது.
தாரகிரி’ போர்க்கப்பலும் தயார்
அதே நேரத்தில், உள்நாட்டிலேயே கட்டப்பட்ட அதிநவீன மறைந்து செல்லும் போர்க்கப்பலான ‘ஐஎன்எஸ் தாரகிரி’யை ராஜ்நாத் சிங் கடற்படையிடம் ஒப்படைப்பார். இது 75%க்கும் மேற்பட்ட உள்நாட்டு பாகங்களைக் கொண்டு கட்டப்பட்டுள்ளதுடன், பிரம்மோஸ் ஏவுகணைகள் போன்ற கொடிய ஆயுதங்களையும் சுமந்து செல்லும்.
எதிரிக்கு முதல் தாக்குதல் பதிலடி கொடுக்கும் இந்தியாவின் அணுசக்திக் கொள்கையின் முதுகெலும்பாக இந்த நீர்மூழ்கிக் கப்பல்கள் விளங்கும். கடலில் மறைந்திருக்கும் அரிதமான், இந்தியாவின் பாதுகாப்புக் கேடயமாகச் செயல்படும்.”
பாதுகாப்பு வல்லுநர்கள்
இந்தியா தற்போது மொத்தம் நான்கு அணுசக்தி நீர்மூழ்கிக் கப்பல்களைக் கொண்டிருக்க இலக்கு வைத்துள்ளது. இதன் மூலம், அணு ஆயுதம் தாங்கிய ஒரு கப்பல் எப்போதும் கடலில் ரோந்துப் பணியில் இருப்பதை உறுதி செய்கிறது. இது, சீனா மற்றும் பாகிஸ்தான் போன்ற அண்டை நாடுகளுக்கு இந்தியா அனுப்பும் ஒரு வலுவான செய்தியாகும்.
