போர் நிறுத்த பேச்சுவார்த்தை: அமெரிக்க அழைப்பை நிராகரித்த ஈரான் கூறுவது என்ன?

தெஹ்ரான், மார்ச் 26:
மத்திய கிழக்கில் நிலவி வரும் போர் பதற்றத்தைத் தணிக்க அமெரிக்கா முன்மொழிந்த போர் நிறுத்தத் திட்டத்தை ஈரான் திட்டவட்டமாக நிராகரித்துள்ளது.
தற்போதைய சூழலில் அமெரிக்காவுடன் எந்தவிதமான நேரடிப் பேச்சுவார்த்தையிலும் ஈடுபடும் எண்ணம் தங்களுக்கு இல்லை என்றும் ஈரான் அரசு தெளிவுபடுத்தியுள்ளது.
காசா மற்றும் லெபனான் பகுதிகளில் தொடரும் மோதல்களை முடிவுக்குக் கொண்டு வர, அமெரிக்க வெளியுறவுத்துறை அமைச்சகம் சார்பில் தூதரக வழியில் அனுப்பி வைக்கப்பட்ட இந்த வரைவுத் திட்டம் நிராகரிக்கப்பட்டுள்ளது.
ஈரான் வெளியுறவுத்துறை அமைச்சகம் வெளியிட்டுள்ள அறிக்கையில், இஸ்ரேலுக்கு ஆயுதங்களை வழங்கி வரும் அமெரிக்காவின் இரட்டை வேடத்தை விமர்சித்து, இந்தத் திட்டத்தை ஏற்க மறுத்துள்ளது. மேலும், ஈரான் அதிபர் அலுவலகம், நாட்டின் இறையாண்மைக்கு மதிப்பளிக்காத நாடுகளுடன் பேச்சுவார்த்தை நடத்த முடியாது எனத் தெரிவித்து, அமெரிக்காவுடனான நேரடிப் பேச்சுவார்த்தைக்கான வாய்ப்புகளையும் நிராகரித்துள்ளது. ஹிஸ்புல்லா – இஸ்ரேல் மோதல் தீவிரமடைந்துள்ள நிலையில், ஈரானின் இந்த பிடிவாதமான முடிவு மத்திய கிழக்கு பிராந்தியத்தில் அமைதி திரும்புவதில் சிக்கலை ஏற்படுத்தியுள்ளது