பெங்களூரு:
மார்ச் 24 –
பெருநகர பெங்களூரு ஆணையம் (ஜிபிஏ) அமைக்கப்பட்ட பிறகு தனது முதல் பட்ஜெட்டை தாக்கல் செய்ய தயாராகிவிட்டது. ஜிபிஏ-வின் கீழ் உள்ள ஐந்து மாநகராட்சிகளுக்கான பட்ஜெட் தேதிகளை தலைமை ஆணையர் மகேஷ்வர் ராவ் அறிவித்துள்ளார்.
நிதிநிலை அறிக்கை தாக்கல், மார்ச் 26 வியாழன் மற்றும் மார்ச் 27 வெள்ளி ஆகிய இரண்டு நாட்களில் நடைபெறும். இரண்டு மாநகராட்சிகளின் வரவு செலவுத் திட்டங்கள் முதல் நாளான வியாழக்கிழமை (மார்ச் 26) அன்று தாக்கல் செய்யப்படும்.
மீதமுள்ள மூன்று மாநகராட்சிகளின் நிதிநிலை அறிக்கை சமர்ப்பிப்பு, இரண்டாம் நாளான வெள்ளிக்கிழமை (மார்ச் 27) அன்று நடைபெறும். ஒவ்வொரு மாநகராட்சியும் தத்தமது மண்டல அளவில் நிதிநிலை அறிக்கை சமர்ப்பிப்பிற்கான ஆயத்தப் பணிகளை நிறைவு செய்துள்ளது. நிர்வாக அதிகாரிகளின் ஒப்புதல் ஏற்கெனவே பெறப்பட்டுள்ளது.
அந்தந்தத் துறையின் நிதித் துறைத் தலைவரால் பட்ஜெட் தாக்கல் செய்யப்படும் என்று ஜிபிஏ தலைமை ஆணையர் மகேஷ்வர் ராவ் தெரிவித்தார்.
