பெங்களூரு: மார்ச் 23-
பெங்களூர் எம்.ஜி. ரோட்டில் உள்ள அனில் கும்ப்ளே சர்க்கிள் அருகே, சொகுசு லம்போர்கினி காரை டிரிஃப்டிங் மற்றும் அபாயகரமாக ஓட்டியதற்காக அதன் ஓட்டுநர் மீது கப்பன் பார்க் போக்குவரத்து காவல் நிலையத்தில் வழக்கு பதிவு செய்யப்பட்டுள்ளது.அதிகாலை சுமார் 2 மணியளவில் அந்த லம்போர்கினி கார் அனில் கும்ப்ளே சர்க்கிளை வந்தடைந்தது. அப்போது, அந்த கார் டிரிஃப்டிங் செய்துகொண்டிருந்தது. இதைக் கண்ட உள்ளூர்வாசிகள், தங்கள் மொபைல் போன்களில் அதைப் படம்பிடித்து சமூக ஊடகங்களில் பதிவிட்டனர். இந்தத் தகவலின் அடிப்படையில், கப்பன் பார்க் போலீசார் தாமாக முன்வந்து வழக்கு பதிவு செய்துள்ளனர்.
சிசிடிவி ஆய்வின்போது, உறுதி செய்யப்பட்டு லம்போர்கினி கார் பறிமுதல் செய்யப்பட்டது. முத்தப்பா ராயின் மகன் ரிக்கி ராய் டிரிஃப்டிங் செய்ததாக சந்தேகிக்கப்படுவதால், போலீசார் ரிக்கி ராய்க்கு நோட்டீஸ் அனுப்பி விசாரணைக்கு ஆஜராகுமாறு அறிவுறுத்தியுள்ளனர். காரின் ஆவணங்கள் யாருடைய பெயரில் உள்ளன என்பதைச் சரிபார்க்குமாறு காவல்துறையினர் வட்டாரப் போக்குவரத்து அலுவலகத்திற்கும் கடிதம் எழுதியுள்ளனர்.
அலட்சியமாகவும் அபாயகரமாகவும் வாகனம் ஓட்டியதற்காக ஓட்டுநர் மீது வழக்கு பதிவு செய்யப்பட்டுள்ளது,” என மேற்கு கோட்டத்தின் போக்குவரத்துப் பொறுப்பாளரான துணை ஆணையர் சாஹில் பங்களா தெரிவித்தார்.
அதிகாலை 2 மணி முதல் 3 மணி வரை கார் சறுக்கிச் செல்வது சிசிடிவியில் பதிவாகியுள்ளது. அதன் உரிமையாளர் யார் என்பதைச் சரிபார்க்க நடவடிக்கை எடுக்கப்படும். வாகனத்தை அபாயகரமாக ஓட்ட முடியாது. இந்த வழக்கில் வட்டாரப் போக்குவரத்து அலுவலகத்திற்கு கடிதம் எழுதப்பட்டு, வாகனப் பதிவுச் சான்றிதழை (ரத்து செய்ய பரிந்துரை செய்யப்படும் என்று துணை ஆணையர் கூறினார்.
கார் சறுக்கிச் செல்லுதல் என்பது ஒரு சாகசமான ஓட்டும் நுட்பமாகும். இதில் வாகனத்தின் பின் சக்கரங்களின் பிடிப்பை வேண்டுமென்றே இழந்து, வாகனம் வளைவுகளில் கட்டுப்படுத்தப்பட்ட முறையில் சறுக்கிச் செல்லும்.
இந்தக் கலைக்கு அதிக திறமை தேவை. இது வேகம், கட்டுப்பாடு மற்றும் திறமையை வெளிப்படுத்தும் ஒரு மோட்டார் விளையாட்டு என்பது குறிப்பிடத்தக்கது.
