சென்னை, ஜன. 29- சென்னை காட்டாங்குளத்தூர் எஸ்ஆர்எம் அறிவியல் மற்றும் தொழில்நுட்ப நிறுவனத்தின் மாணவர் அணியான ‘டீம் கேம்பர் ரேசிங்’ கோவையில் நடைபெற்ற ஃபார்முலா பாரத் 2026 கார் பந்தயப் போட்டியில் ஒட்டுமொத்த சாம்பியன் பட்டத்தை வென்றது. எஸ்ஆர்எம் மாணவர்கள் வடிவமைத்த கார், தாங்குதிறன், ஸ்கிட்பேட், ஆட்டோகிராஸ், ஆக்சிலரேஷன், பொறியியல் வடிவமைப்பு, எரிபொருள் சிக்கனம் உட்பட அனைத்து பிரிவுகளிலும் முதலிடம் பிடித்தது. சிறந்த ஓட்டுநருக்கான விருதையும் கைப்பற்றியது. பல்கலைக்கழகத்தின் பொறியியல் துறையின் டீன் லீனஸ் மார்ட்டின், ஆட்டோமொபைல் துறைத் தலைவர் கே.கமலக்கண்ணன் ஆகியோரின் கூட்டு வழிகாட்டுதலில் மாணவர்கள் இந்த வெற்றியை பதிவு செய்துள்ளனர்.
