காசர்கோடு: செப். 4-
நகரில் ஒரே குடும்பத்தைச் சேர்ந்த நான்கு பேர் அமிலம் குடித்து உயிரிழந்த aசம்பவம் சோகத்தை ஏற்படுத்தியுள்ளது.
கோபி (58), அவரது மனைவி இந்திரா (55), சகோதரர் ரஞ்சேஷ் (37) மற்றும் அவரது சகோதரர் ராகேஷ் ஆகியோர் உயிரிழந்துள்ளனர்.மூவரும் அமிலம் குடித்த சிறிது நேரத்திலேயே உயிரிழந்த நிலையில், கவலைக்கிடமான நிலையில் இருந்த ராகேஷ், பரியாரம் மருத்துவக் கல்லூரி மருத்துவமனையில் சிகிச்சை பெற்று வந்த நிலையில் உயிரிழந்தார். கடந்த வியாழக்கிழமை, குடும்ப உறுப்பினர்கள் அமிலம் குடித்து தற்கொலைக்கு முயன்றதாக உள்ளூர்வாசிகள் தெரிவித்தனர்.சம்பவம் நடந்த அன்று காலை, கோபி தனது அண்டை வீட்டாருக்கு போன் செய்து அமிலம் குடித்ததாக தெரிவித்தபோது, அவர் தற்கொலைக்கு முயன்றதாக தெரிய வந்தது.
சம்பவம் குறித்து அறிந்த அக்கம்பக்கத்தினர் உடனடியாக போலீசாருக்கு தகவல் அளித்து மருத்துவமனைக்கு அழைத்துச் சென்றனர், ஆனால் அவரைக் காப்பாற்ற முயற்சிகள் தோல்வியடைந்தன. போலீசார் வழக்குப் பதிவு செய்து மேலும் விசாரித்து வருகின்றனர்.
