சென்னை: பிப்ரவரி 16-
22 காரட் ஆபரணத் தங்கத்தின் விலை இன்று (பிப்.16) பவனுக்கு ரூ.960 என விலை குறைந்தது. அதேபோல வெள்ளி விலை கிலோவுக்கு ரூ.15,000 சரிந்துள்ளது.
சர்வதேச பொருளாதார மற்றும் அரசியல் சூழல், அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு அதிகரிப்பு, உலக பங்குச் சந்தை முதலீடுகள் உள்ளிட்டவற்றின் அடிப்படையில், தங்கத்தின் விலை நிர்ணயிக்கப்படுகிறது. உலக அளவில் தங்கத்தை இறக்குமதி செய்யும் நாடுகளில் இந்தியா முன்னணியில் உள்ளது.
இந்தச் சூழலில், கடந்த சில நாட்களாகவே தங்கம் விலை உயர்ந்தும் குறைந்தும் வருகிறது. உலக நாடுகளுக்கு இடையிலான வர்த்தக ரீதியான உறவு இதற்கு முக்கிய காரணம் என துறை சார்ந்த வல்லுநர்கள் கருத்து தெரிவித்துள்ளனர். மேலும், கடந்த வாரம் இந்திய பங்குச் சந்தை கடும் சரிவை எதிர்கொண்டது குறிப்பிடத்தக்கது.
இந்நிலையில், இன்று (பிப்.16) காலை சென்னையில் 22 காரட் ஆபரணத் தங்கத்தின் விலை கிராமுக்கு ரூ.120 குறைந்து, ஒரு கிராம் ரூ.14,340-க்கு விற்பனை ஆகிறது. பவுனுக்கு ரூ.960 குறைந்து, ஒரு பவுன் ரூ.1,14,720-க்கு விற்பனை ஆகிறது.இதேபோல 24 காரட் சுத்த தங்கம் பவுனுக்கு ரூ.1,048 என குறைந்து, ஒரு பவுன் ரூ.1,25,152-க்கு விற்பனை ஆகிறது. 18 காரட் தங்கம் பவுனுக்கு ரூ.784 என குறைந்து, ஒரு பவுன் ரூ.93,864-க்கு விற்பனை ஆகிறது.
வெள்ளி விலை இன்று கிராமுக்கு ரூ.15 குறைந்து, ஒரு கிராம் ரூ.265-க்கும், கட்டி வெள்ளி கிலோவுக்கு ரூ.15,000 குறைந்து, ஒரு கிலோ ரூ.2,65,000-க்கும் சந்தையில் விற்பனை ஆகிறது. பிளாட்டினம் விலை கிராமுக்கு ரூ.18 என விலை குறைந்து ஒரு கிராம் ரூ.5,988-க்கு விற்பனையாகிறது.
