லாஸான், அக். 30- சர்வதேச ஹாக்கி சம்மேளனத்தின் 14-வது ஆடவர் ஹாக்கி ஜூனியர் உலகக் கோப்பை தொடர் வரும் நவம்பர் 28 முதல் டிசம்பர் 10-ம் தேதி வரை சென்னை மற்றும் மதுரையில் நடைபெற உள்ளது. இதில் போட்டியை நடத்தும் இந்தியா உள்ளிட்ட 24 அணிகள் கலந்து கொள்கின்றன.
இந்த தொடரில் விளையாட தகுதி பெற்றிருந்த பாகிஸ்தான் அணி கடந்த வாரம் திடீரென விலகியது. இதைடுத்து மாற்று அணி விரைவில் அறிவிக்கப்படும் என சர்வதேச ஹாக்கி சம்மேளனம் அறிவித்திருந்தது. இந்நிலையில் ஆடவர் ஜூனியர் ஹாக்கி உலகக் கோப்பை தொடரில் பாகிஸ்தான் அணிக்கு பதிலாக ஓமன் அணி சேர்க்கப்பட்டுள்ளதாக சர்வதேச ஹாக்கி சம்மேளனம் நேற்று அதிகாரப்பூர்வமாக அறிவித்தது. இதையடுத்து இந்தியா இடம் பெற்றுள்ள ‘பி’ பிரிவில் ஓமன் அணி சேர்க்கப்பட்டுள்ளது. இதே பிரிவில் சிலி, சுவிட்சர்லாந்து ஆகிய அணிகளும் உள்ளன.
