பெங்களூரு, நவ. 12: விமானநிலைய சாலை மேம்பாலத்தில் லாரி, கார் மீது பிஎம்டிசி வால்வோ பஸ் மோதிய விபத்தில் 2 பேர் சம்பவ இடத்திலேயே உயிரிழந்தனர்.விபத்தில் இறந்தவரின் அடையாளம் கண்டுபிடிக்கப்படவில்லை. மேலும், பஸ் டிரைவர் பலத்த காயம் அடைந்து தனியார் மருத்துவமனையில் அனுமதிக்கப்பட்டார். இறந்தவரின் உறவினர்களை தொடர்பு கொள்ள எலஹங்கா போக்குவரத்து போலீசார் முயற்சித்து வருகின்றனர்.
எலஹங்கா மேம்பாலத்தில் சிமெண்ட் லாரி ஒன்று இன்னோவா கார் மீது மோதியது.
இதனால் லாரி டிரைவரும், கார் டிரைவரும் வலது பக்கம் நின்று கொண்டு தகராறில் ஈடுபட்டிருந்தனர். அப்போது, வேகமாக வந்த பிஎம்டிசி வால்வோ பேருந்து லாரி மீது மோதியது. லாரி கார் மீது மோதியது.
இதனால், லாரியின் வலது பக்கத்தில் நின்று தகராறில் ஈடுபட்டிருந்த இருவர் சம்பவ இடத்திலேயே உயிரிழந்தனர்.
இந்த விபத்தில் பேருந்தின் முன்பகுதி முற்றிலும் நொறுங்கியது. அதிர்ஷ்டவசமாக பேருந்தில் விமான நிலையம் செல்லும் பயணி ஒருவர் மட்டுமே இருந்ததால் பெரிய விபத்து ஏதும் ஏற்படவில்லை.
இது தொடர்பாக எலஹங்கா போக்குவரத்து காவல் நிலையத்தில் வழக்கு பதிவு செய்யப்பட்டுள்ளது.இன்னோவா கார், சிமென்ட் லாரி, வால்வோ பேருந்து ஆகியவை கிரேன் மூலம் சாலையில் இருந்துஅகற்றப்பட்டன.
