பெங்களூரு, ஜூன் 4 –
பெங்களூரில் இன்று நடந்த துயர சம்பவம் குறித்து விசாரணைக்கு உத்தரவிடப்பட்டு உள்ளது பலியானார் குடும்பங்களுக்கு தலா 10 லட்சம் ரூபாய் இழப்பீடு அறிவிக்கப்பட்டுள்ளது.
ஆர்சிபி அணியின் வெற்றி கொண்டாட்டத்தின் போது சின்னசாமி மைதானம் அருகே ஏற்பட்ட கூட்ட நெரிசலில் உயிரிழந்தவர்களின் குடும்பங்களுக்கு தலா ரூ.10 லட்சம் நிதியுதவி வழங்கப்படும் என்று முதல்வர் சித்தராமையா அறிவித்துள்ளார்.
சின்னசாமி ஸ்டேடியம் அருகே ஏற்பட்ட கூட்ட நெரிசலில் 11 பேர் பலியானார்கள் மற்றும் பலர் காயமடைந்தனர். இது தொடர்பாக அவசர செய்தியாளர் சந்திப்பை நடத்திய முதல்வர் சித்தராமையா, இந்த சம்பவத்தில் இறந்தவர்களின் குடும்பங்களுக்கு தலா ரூ.10 லட்சம் நிதியுதவி அளிப்பதாக அறிவித்தார். காயமடைந்த அனைவருக்கும் இழப்பீடு வழங்கப்படும் என்றும் இலவச சிகிச்சை அளிக்கப்படும் என்றும் அவர் அறிவித்தார்.
இந்த துயர சம்பவம் குறித்து மாஜிஸ்திரேட் விசாரணைக்கு உத்தரவிட்டுள்ளோம். குற்றவாளிகள் மீது உரிய நடவடிக்கை எடுக்கப்படும். விசாரணை அறிக்கையை 15 நாட்களுக்குள் சமர்ப்பிக்க அறிவுறுத்தல்கள் வழங்கப்பட்டுள்ளதாக முதல்வர் தெரிவித்தார்.சின்னசாமி மைதானத்தில் ஐபிஎல் வெற்றி கொண்டாட்டத்தின் போது ஒரு பெரிய சோகம் நிகழ்ந்தது. இங்கு ஏற்பட்ட கூட்ட நெரிசலில் சிக்கி 11 பேர் உயிரிழந்துள்ளனர். 47 பேர் காயமடைந்தனர்.
நான் பவுரிங் மருத்துவமனை, வைதேஹி மருத்துவமனைக்குச் சென்றேன். ஒரு கொண்டாட்டத்தின் போது இப்படி ஒரு துயர சம்பவம் நடந்திருக்கக் கூடாது என்று வேதனை தெரிவித்தார்.
கூடியிருந்த மக்களின் எண்ணிக்கையும் ரசிகர்களின் எண்ணிக்கையும் எங்கள் எதிர்பார்ப்புகளை விட அதிகமாக இருந்தது. விதான சவுதா முன்பு 1 லட்சத்துக்கும் மேற்பட்டோர் கூடியிருந்தனர். விதான சவுதாவின் முன் நடைபெற்ற விழாவில் எதிர்பாராத சம்பவங்களோ அல்லது துயரங்களோ எதுவும் நிகழவில்லை. ஆனால் சின்னசாமி மைதானத்தில் சோகம் ஏற்பட்டது. இதை யாரும் எதிர்பார்க்க முடியாது. கிரிக்கெட் சங்கமோ நாங்களோ அதை எதிர்பார்க்கவில்லை. இந்த கிரிக்கெட் மைதானம் 35,000 பேர் அமரக்கூடிய திறன் கொண்டது. ஆனால் 2-3 லட்சம் பேர் வந்துள்ளனர். இவ்வளவு பேர் வருவார்கள் என்று நான் எதிர்பார்க்கவில்லை.
காயமடைந்தவர்களுக்கு போக்குவரத்து உட்பட அனைத்து உதவிகளையும் அரசாங்கம் வழங்கும். இந்தப் பிரச்சினையை வைத்து அரசியல் செய்வது சரியல்ல. இந்த துயர சம்பவம் நடந்திருக்கக் கூடாது. அது போய்விட்டது. இதற்காக அரசாங்கம் தனது ஆழ்ந்த வருத்தத்தைத் தெரிவித்துக் கொள்கிறது என்றார்.
