பெங்களூரு: மே 21 –
கர்நாடக மாநிலம் பெங்களூர் மடிவாலாவில் கல்லூரி மாணவி ஒருவர் தனக்கு அறிமுகமானவரால் பாலியல் வன்கொடுமைக்கு உள்ளாக்கப்பட்டார்.பாதிக்கப்பட்ட கல்லூரி மாணவி, ஒரு மோமோஸ் கடையில் பணிபுரிந்து வந்தார். அப்போது, அவருக்கு கோஷ் மற்றும் அதுல் ஆகியோருடன் பழக்கம் இருந்தது.
மாணவி உட்பட மூவரும் ஒரு விருந்தில் கலந்துகொண்டனர். விருந்துக்குப் பிறகு, கோஷும் அதுலும் உணவு வாங்கச் சென்றபோது, ஹைனாஸ் என்ற மற்றொரு நபர் அந்த இளம் பெண்ணை பாலியல் வன்கொடுமை செய்ததாகக் கூறப்படுகிறது. இந்தச் சம்பவம் தொடர்பாக மடிவாலா காவல் நிலையத்தில் வழக்கு பதிவு செய்யப்பட்டு, காவல்துறையினர் தொடர்ந்து விசாரணை நடத்தி வருகின்றனர்.
