பெங்களூரு, டிசம்பர் 26-
கொலை, கொலை முயற்சி, மிரட்டி பணம் பறித்தல், மிரட்டல் உள்ளிட்ட கடுமையான குற்றச் செயல்களில் ஈடுபட்டு வந்த பிரபல ரவுடி.
ஹவேரி என்கிற சுனில் அத்திபெலே போலீசாரால் சுட்டுக் கைது செய்யப்பட்டார்.
போலீஸ் துப்பாக்கிச் சூட்டில் ரவுடிக்கு காலில் காயம் ஏற்பட்டது
ஹாவேரி என்ற சுனில் உள்ளூர் மருத்துவமனையில் சிகிச்சை பெற்று ஆபத்தான நிலையில் உள்ளார். இவர் பதுங்கி இருக்கும் இடம் குறித்து தகவல் அறிந்த போலீசார் விரைந்து சென்றனர்.பண்டாபூர் அருகே உள்ள மடிவாலா என்ற இடத்தில் ரவுடி சுனில் போலீசாரிடம் இருந்து தப்பி ஓட முயற்சி செய்ததாகவும் அப்போது போலீசார் கைது செய்ய முயன்ற போது போலீசாரை தாக்கியதாகவும் இதில் கான்ஸ்டபிள் வினய் கையில் காயம் ஏற்பட்டது என்றும் இதனால் துப்பாக்கியால் சுட்டதாகவும் போலீஸ் தரப்பில் தெரிவிக்கப்பட்டுள்ளது, அத்திபெலே காவல் நிலைய ஆய்வாளர் ராகவ் கவுடா குற்றவாளியின் காலில் சுட்டுக் கைது செய்தார்.
கடந்த நவம்பர் மாதம் ஜிகானி அருகே ரவுடி மனோஜ் கும்பல் மீது தாக்குதல் நடத்தப்பட்டது. இது தொடர்பாக ஜிகானி காவல் நிலையத்தில் புகார் அளிக்கப்பட்டது. இதையடுத்து சுனில் தலைமறைவானார். மேலும், குற்றம் சாட்டப்பட்டவர்கள் மீது பெட்ரோல் பங்கில் கலவரம், ஒரு கொலை, இரண்டு கொலை முயற்சி உட்பட மொத்தம் 7 வழக்குகள் உள்ளன. அவருக்கு எதிராக கைது வாரண்ட் இருப்பதாக போலீசார் தெரிவித்தனர்.
தாக்குதலில் காயமடைந்த வினய் உள்ளூர் மருத்துவமனையில் அனுமதிக்கப்பட்டார்.
கூடுதல் எஸ்பி நாகேஷ் குமார் சம்பவ இடத்தை பார்வையிட்டு விசாரணை நடத்தியதாகவும், அத்திபெலே போலீசார் வழக்குப்பதிவு செய்து விசாரணை மேற்கொண்டு வருவதாகவும் டிசிபி சிகே பாபா தெரிவித்தார்.
