ராஞ்சி, ஜன. 10- மகளிர் ஹாக்கி இந்தியா லீக் போட்டியின் இறுதிச் சுற்றில் எஸ்ஜி பைப்பர்ஸ், ஷிராச்சி பெங்கால் டைகர்ஸ் அணிகள் மோதவுள்ளன. மகளிர் ஹாக்கி இந்தியா லீக் போட்டிகள் ஜார்க்கண்ட் தலைநகர் ராஞ்சியில் நடைபெற்று வருகின்றன. லீக் போட்டிகள் முடிவடைந்த நிலையில் எஸ்ஜி பைப்பர்ஸ், ஷிராச்சி பெங்கால் அணிகள் இறுதிச் சுற்றுக்கு முன்னேறியுள்ளன. இன்று இறுதிப் போட்டி ராஞ்சி மைதானத்தில் நடைபெறவுள்ளது. போட்டியில் சாம்பியன் பட்டம் வெல்லும் அணிக்கு ரூ.1.5 கோடியும், 2-ம் இடம்பெறும் அணிக்கு ரூ.1 கோடியும் பரிசாக வழங்கப்படும். இந்தப் போட்டியில் 3-ம் இடம் பிடித்துள்ள ராஞ்சி ராயல்ஸ் அணிக்கு ரூ.50 லட்சம் பரிசாகக்கிடைக்கும்.
