புதுடெல்லி, மார்ச் 3- உத்தர பிரதேசத்தின் வாராணசி மக்களவை தொகுதி உறுப்பினராக பிரதமர் நரேந்திர மோடி உள்ளார். அங்கு மாநகராட்சி சார்பில் 350 ஏக்கர் நிலப்பரப்பில் ‘நமோ வனம்’ என்ற பெயரில் ஒரு நகர்ப்புறக் காடு உருவக்கப்பட்டுள்ளது. அதில் ஒரு மணி நேரத்துக்குள் 2,51,446 லட்சம் மரக்கன்றுகள் நடப்பட்டு புதிய கின்னஸ் உலக சாதனை படைக்கபப்பட்டுள்ளது. இதற்கு முன்பு சீனாவில் ஒரு மணி நேரத்தில் 1,53,981 மரக் கன்றுகள் நடப்பட்டதுதான் உலக சாதனையாக இருந்தது. இந்த சாதனை இப்போது முறியடிக்கப்பட்டுள்ளது. கங்கை நதித் தொடர்ச்சி மலைகளுக்கு அருகில் சுஜாபாத் டோம்ரி பகுதியில் அமைந்துள்ள நமோ வனத்தில் நேற்று முன்தினம் நடைபெற்ற நிகழ்ச்சியில் பொதுநல அமைப்பினர் உள்ளிட்ட சுமார் 20,000 பொதுமக்கள் பங்கேற்று மரக்கன்றுகளை நட்டனர். நமோ வனம் திட்டத்தின் கீழ் மொத்தம் 3,00,000 மரக்கன்றுகள் நடப்படுகின்றன. இதில் 2,50,000 மியாவாகி இன மரங்கள், 10,000 பலகைகளுக்கான மரங்கள் மற்றும் 40,000 பழ மரங்கள் அடங்கும்.
