புதுடெல்லி: ஏப்ரல் 25 –
வடக்கு டெல்லி மற்றும் மத்தியப் பகுதிகளில் வெப்பநிலையின் தீவிரம் நாளுக்கு நாள் அதிகரித்து வருவதால், அங்கு வெப்ப அலை நிலைமை தீவிரமடைந்து வருகிறது. நேற்று, டெல்லியில் அதிகபட்ச வெப்பநிலை இயல்பை விட 4.2 டிகிரி அதிகமாக, 41.9 டிகிரி செல்சியஸாகப் பதிவானது.
வட டெல்லியின் ரிட்ஜ் பகுதியில் அதிகபட்ச வெப்பநிலை 43.1 டிகிரி செல்சியஸாகவும், லோதி ரோடு பகுதியில் 41.8 டிகிரி செல்சியஸாகவும் பதிவானது. இந்த இரண்டு மையங்களும் வெப்ப அலைக்கான அளவுகோல்களைப் பூர்த்தி செய்தன. இந்திய வானிலை ஆய்வு மையம் சனிக்கிழமையன்று மஞ்சள் எச்சரிக்கை விடுத்துள்ளது. அதன்படி, நகரில் அதிகபட்ச வெப்பநிலை 42 முதல் 44 டிகிரி வரை இருக்கும் என கணிக்கப்பட்டுள்ளது. மணிக்கு 35 கி.மீ. வேகத்தில் வெப்பக் காற்று வீசினாலும், வெப்பநிலையில் எந்த தணிவும் இல்லை.சைமெட் வெதர் நிறுவனத்தின் துணைத் தலைவர் மகேஷ் பலாவத்தின் கூற்றுப்படி, உடனடியான எதுவும் இல்லை. இதே போல் பல்வேறு வட மாநிலங்களில் கோடை வெயில் பாட்டி வதைக்கிறது வெப்ப அலை வீசுகிறது மக்கள் வெளியே வர முடியாமல் அவதிப்படுகின்றனர். பெரும்பாலான சாலைகளில் மதிய வேலைகள் வெறிச்சோடி காணப்படுகிறது.
