சென்னை: ஆகஸ்ட் 31
பள்ளிக்கரணை ராம்சார் சதுப்பு நிலத்தை பாதுகாக்கும் முயற்சியாக, சென்னை துறைப்பாக்கத்தில் அன்புமணி மற்றும் சவுமியா ஆகியோர் விழிப்புணர்வு பிரச்சாரத்தில் ஈடுபட்டனர். சென்னை நகரை பெருவெள்ள அபாயத்திலிருந்து காக்கவும், நிலத்தடி நீர்வளத்தை பெருக்கவும் பள்ளிக்கரணை சதுப்பு நிலத்தை சுற்றி 1 கிமீ கட்டுமானம் தவிர்க்க வேண்டும் என்று வலியுறுத்தினர்.
அன்புமணி பேச்சில், “பள்ளிக்கரணை சதுப்பு நிலம் தற்சமயம் வரையறைக்குப் பெறப்படவில்லை. இதனை வரையறைபடுத்தி அறிவிக்க வேண்டும். 100 ஆண்டுகளுக்கு முன்பு 15,000 ஏக்கர் பரப்பில் இருந்தது. தற்போது 2,500 ஏக்கரே உள்ளது. இது வீடுகளால் ஆக்கிரமிக்கப்பட்டுள்ளது. தமிழகத்தில் 20 இடங்களுக்கு ராம்சார் அங்கீகாரம் உள்ளது, அதில் இது மிகப்பெரியது,” என்றார்.
சவுமியா அன்புமணி பேசுகையில், “தமிழக அரசு பள்ளிக்கரணை ராம்சார் சதுப்பு நிலத்தை அறிவிக்க வேண்டும். பறவைகள் சரணாலயம் மற்றும் இயற்கையை அடுத்த தலைமுறைக்கு விடுவிக்க வேண்டியது அவசியம்,” என்றார்.
