புதுடெல்லி: ஜூலை 2-
உலகில் அதிவேகமாக வளரும் பொருளாதார நாடாக இந்தியா நீடிக்கும் என்று மார்கன் ஸ்டான்லியின் சர்வதேச ஆய்வறிக்கையில் தெரிவிக்கப்பட்டு உள்ளது.
அமெரிக்காவைச் சேர்ந்த மார்கன் ஸ்டான்லி நிறுவனம் உலக நாடுகளின் பொருளாதாரம் குறித்து வெளியிட்ட ஆய்வறிக்கையில் கூறியிருப்பதாவது: அமெரிக்கா, ஐரோப்பிய நாடுகள், சீனா உள்ளிட்டவை தங்களின் பொருளாதார வளர்ச்சியை அதிகரிக்க அதிக தொகையை செலவிட்டு வருகின்றன.
ஆனால் சர்வதேச பொருளாதார வளர்ச்சி மந்தமாகவே இருக்கிறது. கரோனா பெருந்தொற்று காலத்துக்கு பிறகு சர்வதேச பொருளாதாரம் முழுமையாக மீட்சி அடையவில்லை.
பரஸ்பர வரி விதிப்பு என்ற பெயரில் பல்வேறு நாடுகள் மீது அமெரிக்க அரசு வர்த்தக வரிகளை விதித்துள்ளது. இதன்காரணமாக கடந்த ஏப்ரலில் அமெரிக்காவின் பொருளாதாரம் பெரும் சரிவை சந்தித்தது. இது உலகம் முழுவதும் பாதிப்புகளை ஏற்படுத்தியது. நடப்பாண்டில் அமெரிக்காவின் பொருளாதார வளர்ச்சி 1.5 சதவீதமாக இருக்கும்
