வாஷிங்டன்: பிப்ரவரி 14
அமெரிக்க சந்தையில் தங்க விலை வெள்ளிக்கிழமை பெரும் திருப்பத்தை சந்தித்தது. புதன் மற்றும் வியாழன் ஆகிய இரு நாட்களில் ஏற்பட்ட சரிவிலிருந்து மீண்டு, கிட்டத்தட்ட 2% உயர்ந்து 5,000 டாலர் அளவை மீண்டும் தாண்டியது. இதன் எதிரொலியாக இந்தியாவிலும் சனிக்கிழமை தங்க விலை கணிசமாக உயர்ந்துள்ளது. இதன் மூலம் இன்று 24 கேரட் 100 கிராம் தங்கத்தின் விலை 17500 ரூபாய் உயர்ந்துள்ளது. இந்த விலை உயர்வுக்கு முக்கிய காரணம் அமெரிக்காவின் ஜனவரி மாத பணவீக்க தரவு (CPI). எதிர்பார்த்த 2.5%-ஐ விட குறைந்து 2.4% ஆக பதிவானது. இது ஃபெடரல் ரிசர்வ் வட்டி விகிதத்தை விரைவில் குறைக்கலாம் என்ற எதிர்பார்ப்பை அதிகரித்தது. ஆனால் கோர் பணவீக்கம் 2.5% ஆக நிலைத்திருக்கும் காரணத்தால் வட்டி குறைப்பிற்கு வாய்ப்பு குறைந்துள்ளது, ஆயினும் முதலீட்டாளர்கள் தங்கத்தில் ஆர்வம் காட்டி விலையை உயர்த்தினர். தமிழ்நாட்டில் 24 கேரட் தங்கம் ஒரு கிராமுக்கு ரூ.175 உயர்ந்து ரூ.15,884-ஆக வர்த்தகமாகிறது. 22 கேரட் தங்கம் ரூ.160 உயர்ந்து ரூ.14,560-ஆகவும், 18 கேரட் தங்கம் ரூ.50 உயர்ந்து ரூ.12,450-ஆகவும் உள்ளது. வெள்ளி விலையில் எந்த மாற்றமும் இல்லாமல் 1 கிலோ ரூ.2,80,000-ஆக நிலைத்துள்ளது. பிளாட்டினம் 10 கிராமுக்கு ரூ.920 உயர்ந்து ரூ.60,060-ஆக வர்த்தகமாகிறது. தங்கம் விலை பிப்ரவரி 2026 சென்னையில் பிப்ரவரி 2026 மாதத்தில் தங்கம் விலை குறிப்பிடத்தக்க சரிவை சந்தித்துள்ளது. மாதத்தின் முதல் நாளான பிப்ரவரி 1 அன்று 24 கேரட் தங்கம் ஒரு கிராமுக்கு ரூ.16,255-ஆக இருந்தது. ஆனால் பிப்ரவரி மாதம் பிப்ரவரி 14ஆம் தேதி இது ரூ.15,708-ஆக குறைந்துள்ளது. இதனால் இந்த மாதத்தின் ஒட்டுமொத்த சரிவு -3.37% ஆக பதிவாகியுள்ளது.
