பெங்களூரு: ஏப்ரல் 4-
தன்னிடம் வேலை செய்யும் பெண் ஊழியரை தகாத உறவுக்கு அழைத்த சலூன் கடை உரிமையாளர் மீது கொடூரமாக தாக்குதல் நடத்தப்பட்டது.
ஆவலஹள்ளியில் உள்ள ஸ்கின் ஷைன் ஃபேமிலி சலூனில் இந்த சம்பவம் நடந்தது. சலூனில் பணிபுரியும் அழகுக்கலை நிபுணர் ஒருவரை தன்னிடம் உடலுறவு கொள்ளுமாறு உரிமையாளர் அழுத்தம் கொடுத்ததாகவும் ஆனால் அதற்கு அவர் மறுப்பு தெரிவித்ததால் வேலையில் இருந்து நீக்கப்பட்டதாலும் தகராறு ஏற்பட்டுள்ளது.
ஆவலஹள்ளியில் உள்ள சலூனின் உரிமையாளரான மோகன் குமார், தன்னிடம் பணிபுரியும் அழகுக்கலை நிபுணருக்கு பிஸ்கட் கொடுத்து உடலுறவு கொள்ளுமாறு அழுத்தம் கொடுக்கப்பட்டதாகக் கூறப்படுவதை மறுத்துள்ளார்.
இது தொடர்பாக ஏற்பட்ட கருத்து வேறுபாடு காரணமாக மோகன் குமார் அவரை வேலையிலிருந்து நீக்கியிருந்தார். இதனால் அந்த அழகுக்கலை நிபுணரின் கணவர் கடும் கோபமடைந்தார். தனது மனைவி வேலையிலிருந்து நீக்கப்பட்டதால் ஆத்திரமடைந்த அவர், நான்கு அல்லது ஐந்து பேர் கொண்ட குழுவை உருவாக்கி சலூனுக்குள் புகுந்தார்.
தாக்குதலின் சிசிடிவி காட்சிகள்
அழகுக்கலை நிபுணரின் கணவரும் அவரது ஆதரவாளர்களும் சலூன் உரிமையாளர் மோகன் குமாரை கண்மூடித்தனமாகத் தாக்கினர். கலவரத்தை அடக்க வந்த மோகனின் மனைவி ஸ்ரீஜாவின் கழுத்தில் கை வைத்துத் தாக்கப்பட்டதோடு, அங்கு கூடியிருந்த அனைவரும் சேர்ந்து அந்த அழகு நிலையத்தைச் சூறையாடினர். இந்தத் தாக்குதல் முழுவதும் அழகு நிலையத்தின் சிசிடிவி கேமராவில் பதிவாகியுள்ளது.
தாக்கப்பட்ட மோகன் குமார், தற்போது அந்த அழகுக்கலை நிபுணர், அவரது கணவர் மற்றும் ஆதரவாளர்கள் மீது அவலஹள்ளி காவல் நிலையத்தில் புகார் அளித்துள்ளார். வழக்குப் பதிவு செய்துள்ள காவல்துறையினர், தலைமறைவான குற்றவாளிகளை பிடிக்க தீவிர தேடுதல் வேட்டை நடத்தி வருகின்றனர்.
