வாஷிங்டன்: ஜூன் 17–-
மத்திய கிழக்கு பகுதியில் பற்றி எரியும் போர் பதற்றம் காரணமாக, உலக நாடுகளுக்கு பெரும் பொருளாதார நஷ்டம் ஏற்பட்டுள்ளதாக பிரதமர் நரேந்திர மோடி அதிரடி கவலை தெரிவித்துள்ளார்.
அமெரிக்க அதிபர் டொனால்ட் டிரம்பை பிரதமர் நரேந்திர மோடி நேரில் சந்தித்துப் பேசினார். அப்போது, அனல் பறக்கும் விவாதங்களுக்கு நடுவே, சமீபத்தில் அமெரிக்கா நடத்திய அதிரடி ராணுவத் தாக்குதலில் இந்திய மாலுமிகள் கொடூரமாக உயிரிழந்த விவகாரத்தை டிரம்ப் முன்னிலையிலேயே பிரதமர் மோடி மிகத் தீவிரமாக கையில் எடுத்தார்.இந்த மோதல்களால் மேற்கு ஆசிய நாடுகள் முழுவதும் கடுமையான மனித உயிர்ச்சேதமும், ஈடுகட்ட முடியாத பொருளாதாரப் பின்னடைவும் ஏற்பட்டுள்ளதாக அவர் சுட்டிக்காட்டினார்.
இதுகுறித்து பிரதமர் மோடி பேசியதாவது:மேற்கு ஆசியாவில் அமைதியை ஏற்படுத்த எடுக்கப்படும் முயற்சிகளை இந்தியா எப்போதும் வரவேற்கிறது. ஆனால், தற்போதைய போரினால் நட்பு நாடுகளின் சொத்துக்கள் அடியோடு அழிந்து வருகின்றன.
குறிப்பாக, முக்கிய கடல்வழிப் பாதையான ‘ஹார்முஸ் ஜலசந்தி’ வழியாக நடைபெறும் சர்வதேச கடல் வர்த்தகம் முற்றிலுமாக பாதிக்கப்பட்டுள்ளது. இதனால் ஒட்டுமொத்த உலகப் பொருளாதாரமும் ஸ்தம்பித்துப் போயுள்ளது.மேலும், இந்த தேவையற்ற போரின் பிடியில் சிக்கி, அப்பாவி இந்தியக் குடிமக்கள் பலரும் தங்களது இன்னுயிரை இழந்துள்ளனர் என்று வேதனை தெரிவித்த மோடி, வளர்ந்து வரும் இந்த வன்முறைச் சூழல் உலகிற்கு நல்லதல்ல என்று அமெரிக்க அதிபரிடம் மிகத் தெளிவாகவும், நேரடியாகவும் எச்சரித்துள்ளார். இந்தச் சந்திப்பு சர்வதேச அரங்கில் பெரும் பரபரப்பை ஏற்படுத்தியுள்ளது.
