துபாய்: செப். 7-
ஆசிய கோப்பை கிரிக்கெட் தொடரின் லீக் ஆட்டத்தில், இந்திய மகளிர் அணி பாகிஸ்தானை 7 விக்கெட் வித்தியாசத்தில் வீழ்த்தியது. துபாயில் நடந்த இந்த போட்டியில், முதலில் விளையாடிய பாகிஸ்தான் அணி 55 ரன்களுக்கு ஆட்டமிழந்தது. இந்திய அணி தரப்பில் ஸ்ரீ சரணி 7 ரன்களுக்கு 3 விக்கெட்டுகளை கைப்பற்றி ஆட்டநாயகியாகத் தேர்வானார். பிரேமா ராவத் 9 ரன்களுக்கு 3 விக்கெட்டுகள், தீப்தி சர்மா 5 ரன்களுக்கு 2 விக்கெட்டுகள் எடுத்தனர்.பின் விளையாடிய இந்திய அணி 8.4 ஓவர்களில் 3 விக்கெட் இழப்புக்கு 57 ரன்கள் குவித்து வெற்றி பெற்றது. போட்டிக்குப் பிறகு, ஸ்ரீ சரணி, “பாகிஸ்தானுக்கு எதிரான போட்டிக்கு முன்னதாக, அனைத்து வீராங்கனைகளும் ஒன்றாக ஆலோசனை செய்தோம். எங்கள் திட்டங்கள் களத்தில் சிறப்பாக செயல்பட்டன,” என்றார்.இந்த வெற்றியை கொண்டாடும் இந்திய அணி, அடுத்த போட்டிகளுக்கு உற்சாகத்துடன் தயாராகி வருகின்றது.
