பெங்களூர் ஏப்ரல் 15- அதிவேகமாக வந்த தனியார் பேருந்து இருசக்கர வாகனம் மீது மோதியதில், அதில் பயணித்த இருவர் சம்பவ இடத்திலேயே உயிரிழந்தனர். சன்னகிரி நகரின் புறநகர்ப் பகுதியில் உள்ள தீயணைப்பு நிலையத்திற்கு எதிரே உள்ள நெடுஞ்சாலை வளைவில், திங்கட்கிழமை நள்ளிரவில் இந்த விபத்து நிகழ்ந்தது.
உயிரிழந்தவர்கள் சித்திரதுர்கா தாலுகா, கோடிரங்கவ்வனஹள்ளியைச் சேர்ந்த மஞ்சுநாதா (25) மற்றும் ஹோலல்கெரே தாலுகாவைச் சேர்ந்த கணேஷ் குண்டிமாடு (27) என அடையாளம் காணப்பட்டுள்ளனர்.சன்னகிரியிலிருந்து சித்திரதுர்கா நோக்கிச் சென்று கொண்டிருந்த இருசக்கர வாகனம் மீது பேருந்து மோதியது.
பேருந்து ஓட்டுநர் தப்பி ஓடிவிட்டார். விபத்து நடந்த உடனேயே இருசக்கர வாகனம் தீப்பிடித்தது.
காவல்துறை மற்றும் தீயணைப்புப் படையினர் சம்பவ இடத்திற்குச் சென்று ஆய்வு செய்தனர். சன்னகிரி காவல் நிலையத்தில் வழக்கு பதிவு செய்யப்பட்டுள்ளது.
