வாஷிங்டன்: செப்.13-
அமெரிக்க அதிபர் டிரம்ப், “ஈரான் போர் முடிவுக்கு வரும்; கச்சா எண்ணெய் விலை கடுமையாக வீழ்ச்சியடையும்” என்று தெரிவித்துள்ளார்.
அமெரிக்க அதிபர் டிரம்ப் அயர்லாந்து நாட்டுக்கு இரண்டு நாள் பயணம் மேற்கொண்டு உள்ளார். இந்தப் பயணம் முழுக்க முழுக்க அரசுமுறைப் பயணம் அல்ல. அவர் டப்ளின் நகரில் அயர்லாந்து அதிபர் கேத்தரின் கான்னொலி மற்றும் பிரதமரைச் சந்தித்துப் பேசினார்.
பின்னர், கவுண்டி கிளேர் நகரில் உள்ள மைதானத்தில் நடைபெற்ற “ஐரிஷ் ஓபன்” கோல்ப் போட்டியை ரசிப்பதற்காக அங்கு சென்றார்.
நிருபர்களிடம் பேசிய டிரம்ப், “அயர்லாந்தும், வட அயர்லாந்தும் இணைந்து ஒற்றை நாடாக மாறுவதைப் பார்க்க விரும்புகிறேன். அது அற்புதமாக இருக்கும்.
கனடா நம்முடன் ஒரு ஒப்பந்தம் செய்துகொள்ள விரும்புகிறது. ஆனால், அவர்கள் தற்போது அதற்குத் தயாராக இருப்பதாக எனக்குத் தோன்றவில்லை. அமெரிக்க இடைக்காலத் தேர்தல்கள் முடிந்த உடனேயே ஈரான் போர் முடிவுக்கு வரும்” என்று தெரிவித்தார்.
ஈரான் போர் முடிவுக்கு வந்த பிறகு, கச்சா எண்ணெய் விலைகள் கடுமையாக வீழ்ச்சியடையும் என்றும் அவர் கூறினார்.
மத்திய கிழக்கு சண்டை முடிந்தவுடன் கச்சா எண்ணெய் விலைகள் கடுமையாக வீழ்ச்சியடையும் என்று டிரம்ப் கூறினார்.
ஒரு வாரத்தில் ஈரான் போர் முடிவுக்கு வருவது மற்றும் கச்சா எண்ணெய் விலை வீழ்ச்சி குறித்து அவர் பேசுவது இது இரண்டாவது முறையாகும் என்று அமெரிக்க அதிபர் டிரம்ப் தாமே மீண்டும் தெரிவித்துள்ளார்.
