புதுடெல்லி, ஜூலை 18- மகளிர் ஹாக்கி உலகக் கோப்பை தொடர் வரும் ஆகஸ்ட் 15 முதல் 30 வரை பெல்ஜியம் மற்றும் நெதர்லாந்தில் நடைபெற உள்ளது. இந்த தொடருக்கான 20 பேர் கொண்ட இந்திய மகளிர் அணி நேற்று அறிவிக்கப்பட்டது. கேப்டனாக சலிமா டெட்டே தொடர்கிறார். உலகக் கோப்பை தொடரில் இந்திய மகளிர் அணி ‘டி’ பிரிவில் இடம் பெற்றுள்ளது. இதே பிரிவில் சீனா, இங்கிலாந்து, தென் ஆப்பிரிக்கா அணிகளும் இடம் பெற்றுள்ளன. இந்திய அணி தனது முதல் ஆட்டத்தில் ஆகஸ்ட் 16-ல் சீனாவுக்கு எதிராக மோதுகிறது. இந்திய அணி விவரம்: சவிதா, பிச்சு தேவி ஹரிபாம் (கோல் கீப்பர்கள்), இஷிகா சவுத்ரி, சுசீலா சானு புக்ரம்பம், லால்தன்ட்லுவாங்கி, ஜோதி, ஷில்பி தபாஸ் (டிஃபென்டர்கள்), நிக்கி பிரதான், சாக் ஷி ராணா, சுனெலிடா டோப்போ, சலிமா டெட்டே (கேப்டன்), நேஹா, தீபிகா சோரெங் (நடுகளம்), லால்ரெம்சியாமி, ருதுஜா தாதாசோ பிசல், நவ்நீத் கவுர், தீபிகா, இஷிகா, பல்ஜீத் கவுர், பியூட்டி டங்டங் (முன்களம்).
