பாரிஸ், செப். 5- உலக நாடுகள் தங்களது தங்கக் கையிருப்புகளை அமெரிக்காவிலிருந்து மாற்றும் நடவடிக்கைகள் இயல்பானதுதான் என்றாலும், இவற்றின் பின்னணியில் பல்வேறு புவியியல் அரசியல் காரணங்கள் இருப்பதாக நிபுணர்கள் குறிப்பிடுகின்றனர். குறிப்பாக, பிரான்ஸ் மற்றும் நெதர்லாந்து நாடுகள் மேற்கொண்டுள்ள இந்த நடவடிக்கைகள், அமெரிக்க அரசியல் மற்றும் ராணுவக் கொள்கைகளுக்கு எதிராகவும், கடந்த கால அனுபவங்களின் விளைவாகவும் உள்ளன. ட்ரம்ப் தலைமையிலான அமெரிக்கா, ஐரோப்பிய நாடுகள் தனது கொள்கைகளுக்கு ஆதரவளிக்க வேண்டும் என வலியுறுத்தி வந்தது. ஈரான் போர் உச்சத்தில், அமெரிக்கா ஐரோப்பிய நாடுகளின் ஆதரவை எதிர்பார்த்தது. ஆனால், பிரான்ஸ், இத்தாலி போன்ற நாடுகள், அமெரிக்காவின் போர்க் களத்தைத் தவிர்த்து, இஸ்ரேலிய விமானங்களுக்கு தடை விதிக்கவும், அமெரிக்க குண்டுவீச்சு விமானங்களை தங்கள் மண்ணில் இறங்க அனுமதிக்க மறுத்தன. 2022-ல் உக்ரைன் மீது ரஷ்யா தாக்குதல் நடத்தியபோது, மேற்கத்திய நாடுகள் ரஷ்ய மத்திய வங்கியின் சொத்துக்களை முடக்கியது.
இதன் விளைவாக, பல நாடுகள் தங்கள் கையிருப்புகளை பாதுகாப்பாக வைக்கத் தேவையான நடவடிக்கைகளை மேற்கொண்டு வருகின்றன.இதனால், பிரான்ஸ், நெதர்லாந்து போன்ற நாடுகள் தங்கக் கையிருப்புகளை அமெரிக்காவிலிருந்து மாற்ற முடிவெடுத்துள்ளன. இந்த முடிவு, ட்ரம்ப் அரசின் வர்த்தக மற்றும் ராணுவக் கொள்கைகளால் பாதிக்கப்படும் உலக நாடுகளின் எண்ணத்தை பிரதிபலிக்கின்றது.
இதிலிருந்து, உலக நாடுகள் தங்கள் நாணய கையிருப்புகளை பாதுகாப்பாக வைக்க பல்வேறு வழிமுறைகளைத் தேடி வருகின்றன என்பதை உணர முடிகிறது.
