புதுடெல்லி, ஜூலை 30- கர்நாடக முதல்வர் டி.கே.சிவகுமார் டெல்லியில் நாடாளுமன்ற வளாகத்தில் செய்தியாளர்களிடம் கூறியதாவது: “கர்நாடகாவில் பருவமழை பெய்யாததால் அணைகளில் போதிய அளவுக்கு நீர் இல்லை. கடந்த இருமுறை தமிழகம் நீர் கேட்டபோது, காவிரி ஒழுங்காற்று குழு அவர்களின் கோரிக்கையை நிராகரித்திருந்தது. தற்போது தமிழகத்துக்கு 3500 கன அடி நீர் திறந்துவிடுமாறு உத்தரவிட்டுள்ளது. இந்த உத்தரவுக்கு எதிராக மேல்முறையீடு செய்வது குறித்து அமைச்சர்கள், அதிகாரிகளுடன் ஆலோசனை நடத்தினேன். அதில் மேல்முறையீடு செய்வதென முடிவெடுத்துள்ளோம். தமிழக அரசின் சார்பில் கர்நாடக அரசின் தலைமைச் செயலாளருக்கு கடிதம் அனுப்பப்பட்டுள்ளது. என்னை விஜய் சந்திக்க விரும்புவதாக தெரிவிக்கப்பட்டிருந்தது. அடுத்த ஓரிரு நாட்களில் விஜய் என்னிடம் தொலைபேசியிலும் பேசினார். தமிழக அரசின் கோரிக்கையை ஏற்று, அவரை மரியாதையுடன் நடத்துவது எனது கடமை.அதனால் விஜயுடனான சந்திப்புக்கு சம்மதம் தெரிவித்ததுடன், அவர்களுக்குச் சேர வேண்டியதை வழங்குவதாகவும் கூறியுள்ளேன். அவருடனான சந்திப்புக்கு தேவையான அனைத்து ஏற்பாடுகளை செய்யுமாறு உத்தரவிட்டுள்ளேன். காவிரி நதி நீர் விவகாரத்தை பேச்சுவார்த்தை மூலம் தீர்க்க விஜய் விரும்புகிறார். கர்நாடகாவில் உள்ள கிருஷ்ண ராஜசாகர், கபினி உள்ளிட்ட அணைகளையும் காவிரி ஆறையும் பார்வையிடுமாறு விஜயிடம் கோரிக்கை வைத்துள்ளேன். அவர் பார்வையிடுவதற்காக ஹெலிகாப்டரைத் தயார் நிலையில் வைத்திருக்கிறேன். அவரே நேரில் பார்த்து எங்களது நீர் நிலைகளின் நிலையை தெரிந்துகொள்ளட்டும். இந்த விவகாரத்தில் அவர் என்ன முடிவெடுப்பார் என பொறுத்திருந்து பார்ப்போம். இவ்வாறு அவர் தெரிவித்தார்.
