சென்னை: செப். 17-
தமிழக அரசியலின் முன்னோடிகளில் ஒருவரான பெரியாரின் பிறந்தநாளை முன்னிட்டு, முதல்வர் விஜய் வாழ்த்து தெரிவித்துள்ளார். அவர் வெளியிட்டுள்ள வாழ்த்துக் குறிப்பில் கூறியிருப்பதாவது:
“சுயமரியாதை, சமூகநீதி, பகுத்தறிவு ஆகியவற்றை உள்ளடக்கிய முற்போக்குச் சிந்தனைகளை மக்களின் மனங்களில் விதைத்தவர் பெரியார். சாதி, மத வேறுபாடுகளை அகற்றவும், மக்களின் உரிமைகளை மீட்டெடுக்கவும் தம் வாழ்நாள் முழுவதும் போராடிய அவரது பிறந்தநாளில், அவருடைய புரட்சிகரமான சிந்தனைகளையும் கொள்கைகளையும் பெருமையுடன் நினைவுகூர்ந்து வணங்குகிறேன். பெரியாரின் கொள்கைத் தடத்தில் பயணித்து, ‘பிறப்பொக்கும் எல்லா உயிர்க்கும்’ என்ற முழக்கத்தின்படி, சம வாய்ப்புகளின் மூலம் அனைவரும் வளம்பெற்று, சுயமரியாதை மிளிரும் தமிழ்நாட்டை உருவாக்கிட இந்நாளில் உறுதியேற்போம். பெரியார் விதைத்த சமூகநீதியின் விதைகள் தலைமுறைதோறும் தழைத்தோங்கட்டும். வெற்றித் தமிழகத்தை உருவாக்கும் பயணத்தில் அவரது கொள்கைகள் நமக்கு வழிகாட்டட்டும்” என்று முதல்வர் விஜய் தெரிவித்துள்ளார்.
