மைசூர், ஜூன்.4-
மலிவு விலையில் தங்கம் தருவதாகவும், பங்குச் சந்தையில் அதிக லாபம் சம்பாதித்துத் தருவதாகவும் கூறி, ரூ.189 கோடி சுருட்டிய வெளிமாநிலப் பேர்வழிகள் 2 பேரை மாவட்ட போலீஸ் சூப்பிரண்டு தலைமையிலான தனிப்படை போலீசார் மடக்கிப் பிடித்தனர்.
கே.ஆர்.நகரைச் சேர்ந்த தங்க நகை வியாபாரியை ஏமாற்றிய இந்த நெட்வொர்க் மோசடி குறித்து சைபர் க்ரைம் போலீசார் தீவிர வேட்டை நடத்தி, இந்த அக்காடாக்களைக் கைது செய்துள்ளதாக போலீஸ் சூப்பிரண்டு (எஸ்பி) மல்லிகார்ஜுன பாலதண்டி தெரிவித்தார்.
பஞ்சாப்பைச் சேர்ந்த அமித் சிங் (என்கிற அனி), மகாராஷ்டிராவைச் சேர்ந்த யதீன் ரமேஷ் ஜெயின் மற்றும் முகமது ஷாதாப் அஞ்சும் ஆகியோர்தான் அந்த சைபர் கொள்ளையர்கள். இதில் தலைமறைவாக உள்ள முக்கியக் குற்றவாளியான அமித் சிங்கை போலீசார் வலைவீசித் தேடி வருகின்றனர்.
கே.ஆர். நகர் தங்க நகை வியாபாரி ஜிதேந்திர குமார் கண்டேல் என்பவரை வாட்ஸ்அப் கால் மூலம் தொடர்பு கொண்ட இந்த மோசடிக் கும்பல், மார்க்கெட் விலையை விட கிராமுக்கு 600 ரூபாய் குறைவாகத் தங்கம் தருவதாக ஆசை வார்த்தை கூறியுள்ளது. தங்கம் விலை விண்ணைத் தொடும் இந்த வேளையில், கம்மியான விலைக்குக் கிடைத்தால் நல்ல லாபம் பார்க்கலாம் என நம்பிய வியாபாரி, அந்த நரி வழுக்கிகளின் பேச்சில் மயங்கியுள்ளார்.
பேராசையில் விழுந்த ஜிதேந்திர குமார், 100 கிராம் தங்கத்திற்காக ரூ.13,69,000-த்தை அந்த சைபர் கொள்ளையர்களின் வங்கி கணக்கில் டெபாசிட் செய்துள்ளார். ஆனால், பணம் கைக்கு வந்ததும் கொள்ளையர்கள் எஸ்கேப் ஆகினர்; தங்கமும் வரவில்லை, தகவலும் இல்லை. தான் ஏமாற்றப்பட்டதை உணர்ந்து அதிர்ச்சியடைந்த வியாபாரி, மைசூர் மாவட்ட சைபர் க்ரைம் போலீஸ் நிலையத்தில் கதறித் துடித்துப் புகார் அளித்தார்.
இதையடுத்து, இன்ஸ்பெக்டர் சுனில் மற்றும் எஸ்பி தலைமையிலான தனிப்படை போலீசார் மகாராஷ்டிராவிற்கு விரைந்து அங்கு முகாமிட்டு, தீவிரத் தேடுதல் வேட்டை நடத்தி 2 பேரை அமுக்கினர். முக்கியக் குற்றவாளியான அமித் சிங்கிற்கு போலீசார் வலை விரித்துள்ளனர்.
கடந்த நாலைந்து வருடங்களாகவே இந்த கைவரிசையை இந்த கும்பல் காட்டி வந்துள்ளது. இதற்காக 56 போலி வங்கி கணக்குகளைப் பயன்படுத்தியுள்ளனர். இந்தியாவின் பல்வேறு மாநிலங்களில் இவர்கள் மீது 196 வழக்குகள் பாய்ந்துள்ளன! இவர்களின் பேங்க் அக்கவுண்ட்களைச் செக் செய்தபோது, மொத்தம் ரூ.189.49 கோடி வரை சைபர் மோசடி செய்திருப்பது வெளிச்சத்திற்கு வந்து போலீசாரையே தலைசுற்ற வைத்துள்ளது. மைசூரில் ஒரு வழக்கு உட்பட கர்நாடகாவில் மட்டும் இவர்களுக்கு எதிராக 12 புகார்கள் பதிவாகியுள்ளன என்று எஸ்பி விவரித்தார்.
மோசடி செய்து பேங்க் அக்கவுண்ட்டிற்கு வரும் கோடிக்கணக்கான ரூபாயை, இந்த பயங்கரக் குற்றவாளிகள் எவ்வளவு சாதுரியமாக பினாமி கணக்குகளுக்கு மாற்றினார்கள் என்ற பகீர் பின்னணியை எஸ்.பி. விளக்கினார்.
படிக்காத, ஏழை கூலித் தொழிலாளிகள்தான் இவர்களின் மெயின் டார்கெட். நாட்டின் பல இடங்களுக்குச் சென்று அப்பாவிக் கூலித் தொழிலாளர்களைச் சந்தித்து, பண ஆசை காட்டுவார்கள். பின்னர் அவர்களின் பேங்க் பாஸ்புக், ஏடிஎம் கார்டு, ஓடிபி உள்ளிட்ட அனைத்து விபரங்களையும் நைசாக அப்ஸ்குவாட் செய்து விடுவார்கள்.”
சைபர் மோசடிப் பணத்தை இந்த கூலித் தொழிலாளர்களின் அக்கவுண்ட்டிற்கு வரவழைத்து, அவர்கள் மூலமாகவே டிராயிங் செய்துள்ளனர். ‘ஒரே ஒரு செக் லீஃபில் கையெழுத்துப் போட்டால் ஆயிரக்கணக்கில் பணம் கிடைக்கும்’ என்ற ஆசையில், அந்த அப்பாவிகள் தங்களுக்குத் தெரியாமலேயே இந்த நச்சு வலையில் சிக்கிச் சின்னபின்னமாகியுள்ளனர்.
நாடு முழுவதும் பல்வேறு மாநிலங்களில் பினாமி பெயர்களில் இவர்கள் நடத்தி வந்த மெகா மோசடி இப்போது அம்பலமாகியுள்ளது. கைநிறைய லாபம் சம்பாதிக்கலாம் என நம்பி, இவர்கள் வீசிய வலையில் விழுந்து நூற்றுக்கணக்கான மக்கள் கோடான கோடி பணத்தை இழந்துள்ளனர். இதுவரை இந்த கும்பல் சுமார் 189 கோடி ரூபாய் வரை கொள்ளையடித்திருப்பது விசாரணையில் உறுதியாகியுள்ளது.
இவர்களின் ஒரிஜினல் கணக்குகள் மற்றும் பினாமி பெயர்களில் இருந்த அனைத்து வங்கி கணக்குகளையும் போலீசார் இப்போது அதிரடியாக ‘ப்ரீஸ்’ செய்துள்ளனர். நீதிமன்ற அனுமதியைப் பெற்று, ஏமாந்த மக்களுக்குப் பணத்தை மீட்டுத் தர உரிய நடவடிக்கை எடுக்கப்படும் என்று எஸ்பி உறுதி அளித்தார்.
