மலேரியா மாத்திரைக்கு சிறுமி பலி

போலவரம்: செப். 2-
ஆந்திரப் பிரதேச மாநிலம் போலவரம் மாவட்டம் கொல்லகுப்பா கிராமத்தில் அரசு சுகாதாரத் துறை சார்பில் வழங்கப்பட்ட மலேரியா தடுப்பு மாத்திரைகளை (குளோரோக்வின்) சாப்பிட்ட 7 வயது பள்ளிச் சிறுமி பரிதாபமாக உயிரிழந்தார். மேலும் 52-க்கும் மேற்பட்ட கிராம மக்கள் கடுமையான உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ள சம்பவம் பெரும் பரபரப்பை ஏற்படுத்தியுள்ளது.
உயிரிழந்த சிறுமி 2-ம் வகுப்பு படித்து வந்த மாடவி ஜமுனா (7) என அடையாளம் காணப்பட்டுள்ளார்.
சம்பவத்தின் விவரம்:
தெலங்கானா எல்லைப் பகுதியில் அமைந்துள்ள கொல்லகுப்பா கிராமத்தில் மலேரியா தடுப்பு முகாமின் ஒரு பகுதியாக சுமார் 71 பேருக்கு குளோரோக்வின் மாத்திரைகள் வழங்கப்பட்டன.
மாத்திரை சாப்பிட்ட சில மணி நேரங்களிலேயே பலருக்கு வாந்தி, மயக்கம் மற்றும் கடுமையான உடல்நலக்குறைவு ஏற்பட்டது. உடனடியாகச் செயல்பட்ட அதிகாரிகள் 29 நோயாளிகளை அருகில் உள்ள தெலங்கானா மருத்துவமனைக்கும், 24 பேரை உள்ளூர் ஆரம்ப சுகாதார நிலையத்திற்கும் சிகிச்சைக்காக கொண்டு சென்றனர்.
மருத்துவமனையில் தீவிர சிகிச்சை பெற்று வந்த சிறுமி ஜமுனா, சிகிச்சை பலனின்றி பரிதாபமாக உயிரிழந்தார்.
சுகாதாரத் துறையின் அவசர நடவடிக்கை:
இச்சம்பவம் குறித்துத் தகவல் தெரிந்ததும் காக்கிநாடா அரசு தலைமை மருத்துவமனையில் இருந்து 9 பேர் கொண்ட நிபுணர் குழு கிராமத்திற்கு விரைந்தது.
மேலும் விஜயவாடா மற்றும் ராஜமகேந்திரவரத்தில் இருந்தும் கூடுதல் மருத்துவக் குழுக்கள் கிராமத்திற்கு அனுப்பப்பட்டுள்ளன.
தற்போது மருத்துவமனையில் சிகிச்சை பெற்று வரும் 52 பேரின் உடல்நிலையும் சீராக உள்ளது. பொதுமக்கள் யாரும் எந்தவித அச்சமும் அடையத் தேவையில்லை,” என்று மாவட்ட ஆட்சியர் தினேஷ் குமார் தெரிவித்துள்ளார்.
இச்சம்பவம் குறித்து கவலை தெரிவித்துள்ள முதல்வர் என். சந்திரபாபு நாயுடு, பாதிக்கப்பட்டவர்களுக்கு உயர்தர இலவச சிகிச்சை அளிக்க உத்தரவிட்டுள்ளார். அத்துடன், இந்தச் சம்பவத்திற்கான காரணம் என்ன என்பது குறித்து முழுமையான விசாரணை நடத்தவும் ஆணையிட்டுள்ளார்.
மலேரியா கிருமிகளைக் கொல்லப் பயன்படும் குளோரோக்வின் மாத்திரைகளின் அளவு (டோசேஜ்) மாறியதா அல்லது தரமற்ற மாத்திரைகள் வழங்கப்பட்டதா என்ற கோணத்தில் மருத்துவக் குழுவினர் தீவிர விசாரணை நடத்தி வருகின்றனர்.
குளோரோக்வின் என்பது மலேரியா நோயைத் தடுப்பதற்கும் சிகிச்சை அளிப்பதற்கும் பல தசாப்தங்களாகப் பயன்படுத்தப்படும் ஒரு முக்கியமான ‘ஆண்டி-பாரசைடிக்’ (ஒட்டுண்ணி எதிர்ப்பு) மருந்தாகும். ஆனால் இது கீல்வாதம் (ரமாட்டாய்டு ஆர்த்ரைடிஸ்) மற்றும் லூபஸ் போன்ற நோய்களுக்கும் மருத்துவர்களின் ஆலோசனையின் பேரில் வழங்கப்படுகிறது. இது ரத்தத்தில் உள்ள பிளாஸ்மோடியம் மலேரியா கிருமிகளை அழிப்பதன் மூலம் செயல்படுகிறது.
சாதாரண அளவில் சாப்பிடும் போது கூட சிலருக்கு பின்வரும் லேசான அறிகுறிகள் தோன்றக்கூடும் என மருத்துவ அறிக்கையில் குறிப்பிடப்பட்டுள்ளது