புதுடெல்லி: நவ. 8-
டெல்லியில் குளிர்கால காற்று மாசு தொடர்ந்து அதிகரித்து வருவதையடுத்து, 5-ம் வகுப்பு வரையிலான மாணவர்களுக்கு ஆன்லைன் வகுப்புகள் தொடங்கப்பட்டுள்ளன. மாசு தடுப்பு நடவடிக்கைகளின் ஒரு பகுதியாக, மாணவர்களுக்கு நேரடி மற்றும் ஆன்லைன் வகுப்புகளை இணைத்த கலப்பு முறை வகுப்புகளை நடத்த உத்தரவிடப்பட்டுள்ளது.
டெல்லியில் காற்று மாசு நாளுக்குநாள் அதிகரித்து வருவதால், மாசு தடுப்பு நடவடிக்கைகளை கடுமையாகப் பின்பற்ற வேண்டிய நிலை ஏற்பட்டுள்ளது. இதையடுத்து, மாசு தடுப்பு நடவடிக்கைகளுக்கான முதல் மற்றும் 2-ம் நிலை செயல்திட்டங்கள் ஏற்கனவே அமலில் உள்ளன. அவற்றின் கீழ் கட்டுமானப் பணிகள், விறகு அடுப்புகள் மற்றும் ஜெனரேட்டர்களுக்கு கட்டுப்பாடுகள் விதிக்கப்பட்டுள்ளன. இந்த நிலையில், டெல்லியில் காற்று மாசு மேலும் அதிகரித்திருப்பதால், மாசு தடுப்பு நடவடிக்கைகளுக்கான 3-ம் நிலை செயல்திட்டம் நடைமுறைப்படுத்தப்பட்டுள்ளது. டெல்லி மட்டுமின்றி, தேசிய தலைநகர் பிராந்தியத்தில் உள்ள காசியாபாத், நொய்டா, குருகிராம், பரிதாபாத் மற்றும் சோனிபட் நகரங்களிலும் இந்த 3-ம் நிலை செயல்திட்டம் அமல்படுத்தப்பட்டுள்ளது.இதன்படி, 5-ம் வகுப்பு வரையிலான மாணவர்களுக்கு கலப்பு முறை வகுப்புகள் நடைபெறும். அதாவது, மாணவர்கள் பள்ளிக்கு நேரடியாகச் சென்றும் அல்லது ஆன்லைன் மூலமாகவும் வகுப்புகளில் பங்கேற்கலாம். வீடுகளில் இணைய வசதி உள்ள மாணவர்கள், வீட்டிலிருந்தபடியே ஆன்லைன் மூலம் வகுப்பறை நிகழ்வுகளில் கலந்து கொள்ளலாம். இணைய வசதி இல்லாத மாணவர்கள் வழக்கம்போல் வகுப்புகளுக்கு நேரடியாகச் செல்ல வேண்டும். இணைய வசதி இருந்தாலும், பள்ளிக்கு நேரடியாகச் சென்று வகுப்புகளில் பங்கேற்க விரும்பும் மாணவர்களுக்கும் அந்த வாய்ப்பு வழங்கப்பட்டுள்ளது. Thus, மாணவர்களின் இணைய வசதி மற்றும் விருப்பத்துக்கு ஏற்ப நேரடி அல்லது ஆன்லைன் வகுப்புகளில் பங்கேற்கும் நடைமுறை கொண்டு வரப்பட்டுள்ளது.
