பஸ்தார், செப். 6: சத்தீஸ்கர் மாநிலத்தின் பஸ்தார் மாவட்டத்தில் 2013 மே 25ஆம் தேதி நடைபெற்ற மாவோயிஸ்ட் தாக்குதலில், 29 பேர் கொல்லப்பட்ட வழக்கில் தேசிய புலனாய்வு முகமை (என்ஐஏ) நீதிமன்றம் 10 பேரை குற்றவாளிகளாக அறிவித்துள்ளது. இந்த தாக்குதல் காங்கிரஸ் கட்சி நடத்திய பரிவர்தன் பேரணிக்கு எதிரானது. மாநில காங்கிரஸ் தலைவர் நந்த் குமார் படேல் உள்ளிட்டோர் கொல்லப்பட்டனர்.தாக்குதலுக்குப் பிறகு, பஸ்தார் மாவட்ட போலீசார் வழக்குப் பதிவு செய்து விசாரணை நடத்தினர். பின்னர், இந்த வழக்கு என்ஐஏக்கு ஒப்படைக்கப்பட்டது. ஜக்தால்பூரில் உள்ள என்ஐஏ நீதிமன்றத்தில் வழக்கு விசாரணை நடைபெற்றது. 2014ஆம் ஆண்டு குற்றப்பத்திரிகை தாக்கல் செய்யப்பட்டு, 101 சாட்சிகள் விசாரிக்கப்பட்டனர்.விசாரணை முடிவில், என்ஐஏ நீதிபதி அபய் சிங் ராஜ்புத், குற்றம் சாட்டப்பட்ட 10 பேரும் குற்றவாளிகள் என்று தீர்ப்பளித்தார். மேலும், அவர்களுக்கு வழங்கப்பட உள்ள தண்டனைகள் வரும் 16ஆம் தேதி அறிவிக்கப்படும் என்று தெரிவித்தார்.
