சண்டிகர், அக். 3- மேற்கு இந்தியத் தீவுகள் கிரிக்கெட் அணி, இந்தியாவில் சுற்றுப்பயணம் செய்து விளையாடி வருகிறது. இரு அணிகளுக்கு இடையிலான 3 ஒருநாள் போட்டிகள் கொண்ட தொடரின் முதல் இரு ஆட்டங்கள் திருவனந்தபுரம் மற்றும் குவாஹாட்டியில் நடைபெற்றன. அந்த இரு போட்டிகளிலும் இந்திய அணி தலா 8 விக்கெட்டுகள் வித்தியாசத்தில் வெற்றி பெற்று, தொடரை 2–0 என்ற கணக்கில் கைப்பற்றியது. குவாஹாட்டியில் நடைபெற்ற 2-வது ஒருநாள் போட்டியில் 406 ரன்கள் என்ற இலக்கை விரட்டிப் பிடித்து இந்திய அணி சாதனை படைத்தது. அந்த ஆட்டத்தில் ஷுப்மன் கில் இரட்டைச் சதமும், ரோஹித் சர்மா சதமும் விளாசினர். அவர்களிடமிருந்து இன்றைய ஆட்டத்திலும் சிறப்பான மட்டை வீச்சு வெளிப்படக்கூடும் என எதிர்பார்க்கப்படுகிறது. தொடரை முழுமையாகக் கைப்பற்றும் முனைப்பில் இந்திய அணி களமிறங்குகிறது. அதேவேளையில், மேற்கு இந்தியத் தீவுகள் அணி ஆறுதல் வெற்றியைப் பெறும் முயற்சியில் விளையாடக்கூடும்.
