புதுடெல்லி: ஆக. 29-
பிரதமர் நரேந்திர மோடி உஸ்பெகிஸ்தான் மற்றும் கிர்கிஸ்தான் நாடுகளுக்கு நான்கு நாள் பயணமாக புறப்பட்டுள்ளார். முதலில் உஸ்பெகிஸ்தானில் அந்நாட்டு அதிபர் ஷவ்கத் மிர்சியோயேவுடன் இருதரப்பு பேச்சுவார்த்தை நடத்தவுள்ளார். இதில் வர்த்தகம், பொருளாதாரம், சுகாதாரம், கல்வி, கனிமங்கள் போன்ற துறைகளில் ஒத்துழைப்பை மேம்படுத்த ஆலோசிக்கப்பட உள்ளது.
அதனைத் தொடர்ந்து கிர்கிஸ்தான் தலைநகர் பிஷ்கெக்கில் நடைபெறும் ஷாங்காய் ஒத்துழைப்பு அமைப்பின் மாநாட்டில் பிரதமர் மோடி பங்கேற்கிறார். இம்மாநாட்டில் பிராந்திய பாதுகாப்பு, பயங்கரவாத தடுப்பு, இணைப்பு மற்றும் பொருளாதார ஒத்துழைப்பு போன்ற முக்கிய விவகாரங்கள் விவாதிக்கப்பட உள்ளது. மாநாட்டின் இடையே ரஷிய அதிபர் விளாடிமிர் புதினையும் பிரதமர் மோடி சந்திக்கவுள்ளார். இந்தியா-ரஷியா இடையிலான இருதரப்பு உறவுகள் மற்றும் சர்வதேச விவகாரங்கள் குறித்து இரு தலைவர்களும் ஆலோசிக்கவுள்ளதாக எதிர்பார்க்கப்படுகிறது. மத்திய ஆசிய நாடுகளுடனான இந்தியாவின் உறவை வலுப்படுத்தவும், பிராந்தியத்தில் அமைதி, பாதுகாப்பு, பொருளாதார வளர்ச்சி ஆகியவற்றை மேம்படுத்தவும் மோடியின் இந்தப் பயணம் முக்கியத்துவம் வாய்ந்ததாக பார்க்கப்படுகிறது.
