பெங்களூர்: செப். 28-
பெங்களூரு பீண்யா பகுதியில் உள்ள குல்பர்கா காலனியில், பிரபல ரவுடி தீபக் என்ற தீபு (வயது 28) என்பவரை 8 பேர் கொண்ட கும்பல் கத்தியால் குத்தி கொடூரமாக கொலை செய்த சம்பவம் பரபரப்பை ஏற்படுத்தியுள்ளது.
சின்ன தகராறில் எழுந்த பகை:
நந்தினி லேஅவுட் பகுதியைச் சேர்ந்தவர் பிரபல ரவுடி தீபக் (என்ற தீபு). கடந்த இரண்டு நாட்களுக்கு முன்பு, தீபுவிற்கும் ஈஸ்வர் நேபாளி மற்றும் சுமன் (என்ற பாரிவாளா) என்பவர்களுக்கும் இடையே ஒரு சிறிய விஷயத்துக்காக தகராறு ஏற்பட்டுள்ளது. இந்த மோதலின் தொடர்ச்சியாகவே இந்த கொலை நடந்துள்ளதாகக் கூறப்படுகிறது.
மருத்துவமனை செல்லும் வழியில் பரிதாப உயிரிழப்பு:
நேற்று இரவு குல்பர்கா காலனியில் தீபு நின்றுகொண்டிருந்தபோது, அங்கு வந்த 7 முதல் 8 பேர் கொண்ட மர்ம கும்பல் அவரை சூழ்ந்துகொண்டு சரமாரியாக கத்தியால் குத்தியது. ரத்த வெள்ளத்தில் சரிந்த அந்த கும்பல் அங்கிருந்து தப்பி ஓடியது.
படுகாயமடைந்த தீபுவை உடனடியாக மீட்டு மருத்துவமனைக்கு கொண்டு செல்லும் வழியிலேயே அவர் பரிதாபமாக உயிரிழந்தார்.
போலீசார் விசாரணை:
சம்பவம் குறித்து தகவல் அறிந்த பீண்யா காவல் நிலைய போலீசார் வழக்குப்பதிவு செய்து விசாரணை நடத்தி வருகின்றனர். பலியான தீபுவின் உடல் பிரேத பரிசோதனைக்காக விக்டோரியா மருத்துவமனைக்கு அனுப்பி வைக்கப்பட்டுள்ளது. தப்பியோடிய குற்றவாளிகளை போலீசார் தீவிரமாக தேடி வருகின்றனர்.
