மைசூரு: செப்.30-
சூப்பர் ஸ்டார் ரஜினிகாந்த் இன்று மைசூரு சாமுண்டி மலைக்குச் சென்று தாய் சாமுண்டேஸ்வரி தேவியை தரிசனம் செய்தார்.
மைசூரு வந்திருந்த ரஜினிகாந்த், காலையில் சாமுண்டி மலைக்குச் சென்று சிறப்பு பூஜை செய்தார். கோவில் அர்ச்சகர்கள் அவருக்கு குங்குமம், பிரசாதம் வழங்கி வரவேற்றனர்.
இந்த நேரத்தில் கோவில் வளாகத்தில் ரசிகர்கள் திரண்டு, ரஜினிகாந்தைப் பார்த்து ஜெயகோஷம் எழுப்பினர். ரசிகர்களைப் பார்த்துக் கை அசைத்து ரஜினிகாந்த் வாழ்த்துத் தெரிவித்தார்.
தரிசனத்திற்குப் பிறகு பேசிய அவர், சாமுண்டி தாயின் தரிசனத்தால் மனதிற்கு அமைதி கிடைத்துள்ளது, நாட்டின் மக்களுக்கு நல்லது நடக்க வேண்டும் என்று பிரார்த்தனை செய்துள்ளேன் என்று கூறினார்.
சாமுண்டி மலைக்கு ரஜினிகாந்த் வந்ததை முன்னிட்டு போலீசார் பலத்த பாதுகாப்பு ஏற்பாடுகளைச் செய்திருந்தனர்.
